விரைவில் இந்தியா வரும் சியோமி எம்.ஐ. 6 ஸ்மார்ட்போன்: முழு தகவல்கள்:
சியோமி
நிறுவனத்தின் புதிய ஃபிளாக்ஷிப் ஸ்மார்ட்போன் விரைவில் இந்தியாவில்
வெளியாகும் என தகவல்கள் வெளியாகியுள்ளது. அதன்படி சியோமி எம்.ஐ. 6
ஸ்மார்ட்போன் அடுத்த மாதம் வெளியிடப்படலாம் என கூறப்படுகின்றது. சியோமி
எம்.ஐ. 6 ஸ்மார்ட்போன் ஸ்னாப்டிராகன் 835 சிப்செட் மற்றும் டூயல் பிரைமரி
கேமரா வழங்கப்படும் என கூறப்படுகிறது.
சியோமி
இந்தியா தலைவர் மானு ஜெயின் வெளியிட்டுள்ள ட்விட்டர் தகவலில் சியோமி எம்.ஐ.
6 ஸ்மார்ட்போன் ஜூலை முதல் வாரத்தில் அறிமுகம் செய்யப்பட்டு, ஜூலை
23-ந்தேதி இந்த ஸ்மார்ட்போனின் முதல் ஃபிளாஷ் விற்பனை துவங்கும் என
தெரிவிக்கப்பட்டுள்ளது.
சியோமி
ரெட்மி நோட் 4 ஸ்மார்ட்போனின் முதல் விற்பனை ஜனவரி 23-ந்தேதி நடைபெற்றது.
இதேபோல் ரெட்மி 4A மற்றும் ரெட்மி 4 ஸ்மார்ட்போன் மார்ச் 23 மற்றும் மே
23-ந்தேதி விற்பனை செய்யப்பட்டது. சியோமியின் அடுத்த பிளாஷ் விற்பனை ஜூலை
23-ந்தேதி நடைபெறும் என அறிவிக்கப்பட்டுள்ளது. இந்த விற்பனையில் சியோமி
எம்.ஐ. 6 ஸ்மார்ட்போன் இடம்பெறலாம் என எதிர்பார்க்கப்படுகிறது.
சியோமி
எம்.ஐ. 6 ஸ்மார்ட்போன் 64 மற்றும் 128 ஜிபி மாடல்களில் வெளியிடப்பட்ட
எம்.ஐ. 6 விலை சீனாவில் 2499 யுவான்கள் அதாவது இந்திய மதிப்பில் ரூ.23,410
மற்றும் 2899 யுவான் அதாவது இந்திய மதிப்பில் ரூ.27,157 விலை நிர்ணயம்
செய்யப்பட்டுள்ளது. இத்துடன் எம்.ஐ. 6 செராமிக் எடிஷன் 128 ஜிபி மாடல்
ஒன்றும் வெளியிடப்பட்டுள்ளது. இதன் விலை 2,999 யுவான் அதாவது இந்திய
மதிப்பில் ரூ.28,094 என நிர்ணயம் செய்யப்பட்டுள்ளது.
சியோமி
எம்.ஐ. 6 சிறப்பம்சங்களை பொருத்த வரை 5.15 இன்ச் 3D வளைந்த கிளாஸ் கொண்ட
ஃபுல் எச்டி டிஸ்ப்ளே, கிளாஸ் வடிவமைப்பு, மற்றும் ஸ்டெயின்லெஸ் ஸ்டீல்
ஃபிரேம் கொண்டுள்ளது. இத்துடன் 6 ஜிபி ரேம் மற்றும் MIUI 8 சார்ந்த
ஆண்ட்ராய்டு 7.1.1 நௌக்கட் இயங்குதளம் வழங்கப்பட்டுள்ளது.
இத்துடன்
கைரேகை ஸ்கேனர் மற்றும் வாட்டர் ப்ரூஃப் வசதியும் டூயல் கேமரா அமைப்பும்
வழங்கப்பட்டுள்ளது. 12 எம்பி பிரைமரி கேமரா லென்ஸ் மற்றும் 8 எம்பி செல்ஃபி
கேமரா வழங்கப்பட்டுள்ளது. 3.5 எம்.எம். ஆடியோ ஜாக் மற்றும் யுஎஸ்பி
டைப்-சி கனெக்டர் வழங்கப்பட்டுள்ளது.
No comments:
Post a Comment
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
1. இங்கு பதிவாகும் கருத்துக்கள் வாசகர்களின் சொந்த கருத்துக்களே.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விக்குரலுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. இணையதள முகவரிகள், வலைப்பக்கங்களின் சுட்டிகளை இங்கே பதிவிட வேண்டாம் என வேண்டுகிறோம்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் வேண்டுகிறோம்-கல்விக்குரல்...