ஒரு காலத்தில் வேலை இல்லாதவன் வாத்தியார் வேலைக்கு வந்தான் என்று சொல்வார்கள். ஆனால் அந்த சொலவடையை இன்றிருக்கும் ஆசிரியர் சமூகம் மாற்றிக்காட்டி இருக்கிறது.
இதை ஒரு தவமாக, பணியாகக் கண்டு, லட்சியமாகக் கண்டு ஆசிரியர்களான பல தோழமைகளை நேரில் பார்த்திருக்கிறேன்.
பள்ளிகளில் மாணவர் சேர்க்கை குறைவு என்ற காரணத்திற்காக பள்ளிகளை மூடுவது என்பது மூட்டைப்பூச்சிக்கு பயந்து வீட்டைக் கொளுத்துகின்ற கதை.
இருக்கும் பள்ளிகளின் தரத்தையும், அடிப்படை வசதிகளையும் மேம்படுத்தி, தரமான கல்வியை கொடுத்தால் ஏன்யா பள்ளிகளை மூடும் நிலை வரப்போகிறது?
இதற்கு பட்டதாரி ஆசிரியர்களை பலிகடா ஆக்குவது நியாயமில்லை. அதே சம்பளம் தருவோம் ஆனால் பட்டதாரி ஆசிரியராக இருப்பவர்களை இடைநிலை ஆசிரியர்களாக பணி இறக்கம் செய்வோம் என முடிவெடுத்திருப்பது மிகவும் கண்டிக்கத்தக்க விடயமாகும்.
பட்டப்படிப்பு படித்து, பிஎட் படித்து டெட் தேர்வு எழுதி, பல தடைகளைக் கடந்து ஆசிரியர் ஆனால், அவர்களை பணியிறக்கம் செய்வது அரசின் அடாவடி செயல் என்றே சொல்ல வேண்டும்.
இப்படி பணி இறக்கம் செய்தால் அவர்கள் மனதளவில் பாதிக்கப்படுவார்கள். அது அவர்களின் பணியில் மிகப்பெரிய பாதிப்பை ஏற்படுத்தும். அது மாணவர்களின் கல்வியை பாதிக்கும். இது போன்று இன்னும் நிறைய பிரச்சினைகள் இருக்கின்றன...
பணியில் ஒழுங்கின்மை, பணி செய்யாமல் இருப்பவர்களுக்குத்தான் பணி இறக்கம் எனும் தண்டனை கொடுப்பார்கள்.
ஊருக்கு இளைத்தவன் பிள்ளையார் கோவில் ஆண்டி என்பது போல அரசுக்கு இளைத்தவன் அரசுப்பள்ளி ஆசிரியன்தானா?
ஆசிரியர் சமூகத்தை போற்றி வளர்த்தால்தான், நாளைய நமது சமூகம் கல்வியறிவு பெற்று நிமிர்ந்து நடைபோடும். பின்லாந்தில் ஆசிரியர்களுக்குத்தான் அந்நாட்டில் முதலிடம்
ஆசிரியர் சமூகத்தை மதிக்க வேண்டாம். மிதிக்காமல் இருங்க... இந்த முடிவை உடனடியாக ரத்து செய்யுங்கள். ஆசிரியர்களை கௌரவமாக நடந்துங்கள்...
மோ.கணேசன், பத்திரிகையாளர்.
16.07.2019. 11.32 AM
No comments:
Post a Comment
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
1. இங்கு பதிவாகும் கருத்துக்கள் வாசகர்களின் சொந்த கருத்துக்களே.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விக்குரலுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. இணையதள முகவரிகள், வலைப்பக்கங்களின் சுட்டிகளை இங்கே பதிவிட வேண்டாம் என வேண்டுகிறோம்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் வேண்டுகிறோம்-கல்விக்குரல்...