பொறியியல் கல்லூரிகளில் 1.25 லட்சம் இடம் காலி:

தமிழகத்தில் உள்ள பொறியியல் கல்லூரிகளில் இந்த ஆண்டு மட்டும் 1 லட்சத்து 24,960 இடங்கள் காலியாக உள்ளன என்று உயர் கல்வித் துறை அமைச்சர் பழனியப்பன் தெரிவித்தார்.பேரவையில் நேற்று கேள்வி நேரத்தின்போது ஆத்தூர் மாதேஸ்வரன் (அதிமுக) கேட்ட கேள்விகளுக்கு உயர் கல்வித்துறை அமைச்சர் பழனியப்பன் பதிலளித்து கூறியதாவது:தமிழகத்தில் மொத்தம் 577 பொறியியல் கல்லூரிகள் உள்ளன. இவற்றில் மொத்தம் 2 லட்சத்து 92,042 இடங்கள் உள்ளன. இந்த இடங்களில் 1 லட்சத்து 67,082 இடங்களுக்கு மட்டுமே மாணவர் சேர்க்கை நடந்துள்ளது. 1 லட்சத்து 24,960 இடங்கள் இன்னும் காலியாகவே உள்ளன. இவ்வாறு அமைச்சர் கூறினார்.