மத்திய பட்ஜெட்டில் வருமான வரிவிலக்கு வரம்பை ரூ.3 லட்சமாக உயர்த்த மாதச்சம்பளம் பெறுவோர் விருப்பம்:

மத்திய பட்ஜெட்டில், வருமான வரிவிலக்கு வரம்பை ரூ.3 லட்சமாக உயர்த்த மாதச்சம்பளம் பெறுவோர் விருப்பம் தெரிவித்து உள்ளனர்.வருமான வரிவிலக்கு உச்சவரம்புமாதச்சம்பளம் பெறுவோருக்கு தற்போது ரூ.2½ லட்சம் வரையிலான ஆண்டு வருமானத்துக்கு வரி கிடையாது. கடந்த ஆண்டு ஜனவரி முதல் இந்த ஆண்டு ஜனவரி மாதம் வரையிலான ஓராண்டு காலத்தில் தானியங்கள், பருப்பு வகைகள், காய்கறிகள், பழங்கள் போன்ற உணவுப் பொருட்களின் விலை 8 முதல் 12 சதவீதம் வரை உயர்ந்து இருக்கிறது. இந்த நிலையில், மத்திய அரசின் 2015-2016-ம் ஆண்டுக்கான மத்திய அரசின் பட்ஜெட்டை நிதி மந்திரி அருண் ஜெட்லி வருகிற 28-ந் தேதி பாராளுமன்றத்தில் தாக்கல் செய்ய இருக்கிறார்.விலைவாசி உயர்வால் பாதிக்கப்பட்டுள்ள தங்களுக்கு பட்ஜெட்டில் சில சலுகைகளை அறிவிக்க வேண்டும் என்று மாதச்சம்பளம் பெறுவோர் விரும்புவதாக அசோசம் அமைப்பு தெரிவித்து உள்ளது.

ரூ.3 லட்சமாக உயர்த்த கோரிக்கைஅந்த அமைப்பு நடத்திய ஆய்வில் மாதச்சம்பளம் பெறுவோரில் 92 சதவீதம் பேர், வருமான வரிவிலக்குக்கான உச்சவரம்பை 3 லட்சமாகவோ அல்லது அதற்கு அதிகமாகவோ உயர்த்த வேண்டும் என்று விருப்பம் தெரிவித்து இருக்கிறார்கள். பெண்களுக்கு இந்த உச்சவரம்பை குறைந்தபட்சம் ரூ.4 லட்சமாக அதிகரிக்கவேண்டும் என்ற கோரிக்கை எழுந்து உள்ளது. மேலும் வீட்டுக்கடனுக்காக திருப்பி செலுத்தப்படும் பணத்தில் ரூ.5 லட்சம் வரையிலான தொகைக்கு கழிவு வழங்க வேண்டும் என்றும் விரும்புகிறார்கள்.சேமிப்புஉள்நாட்டு மொத்த உற்பத்தியில் தற்போதுள்ள 30 சதவீத சேமிப்பு விகிதத்தை 35 சதவீதமாக அதிகரிக்க வேண்டும் என்பது முக்கிய தேவையாக உள்ளது. எனவே தேசிய சேமிப்பு பத்திரங்கள், பொது சேமநல நிதி ஆகியவற்றில் வரிவிலக்குக்கான சேமிப்பு வரம்பை ரூ.2½ லட்சமாக உயர்த்த வேண்டும் என்ற கோரிக்கை எழுந்துள்ளது. எனவே வரி செலுத்துவோர் மத்தியில் முதலீட்டையும், சேமிப்பையும் ஊக்குவிக்கும் வகையில் இந்த வரம்பை உயர்த்துவது தொடர்பான அறிவிப்பு பட்ஜெட்டில் வெளியாகலாம் என எதிர்பார்க்கப்படுகிறது.காப்பீடு துறைகாப்பீடு துறையை ஊக்குவிக்கும் வகையில், காப்பீடு பாலிசிகளுக்காக செலுத்தப்படும் பிரீமியம் தொகையை தனிக்கழிவின் கீழ் கொண்டு வரவேண்டும் என்ற கோரிக்கையும் எழுந்துள்ளது.தற்போது இறக்குமதி தங்கத்தின் மீது 10 சதவீதம் வரி விதிக்கப்படுகிறது. இதனால் சமீப காலமாக தங்கம் இறக்குமதி குறைந்து உள்ளது. இதனால் தங்கத்தின் மீதான இறக்குமதி வரியை 4 முதல் 5 சதவீதம் வரை குறைக்க வேண்டும் என்றும், இதனால் தங்கம் வாங்குவோர் மகிழ்ச்சி அடைவார்கள் என்றும் கருத்து தெரிவிக்கப்பட்டு உள்ளது.