கடந்த ஆண்டு 10ம்
வகுப்பு, பிளஸ் 2 தேர்வுகளில் 70 சதவீதத்துக்கும் குறைவாக தேர்ச்சி பெற்ற
பள்ளிகளின் தலைமை ஆசிரியர்களுக்கான ஆய்வு கூட்டம், ஆக.,13ல் கல்வி அமைச்சர்
முன்னிலையில் நடக்கிறது. இதுகுறித்து பள்ளிக்கல்வி இயக்குனர்
ராமேஸ்வரமுருகன் அனுப்பியுள்ள சுற்றறிக்கை:
அமைச்சர்,
முதன்மை செயலாளர் தலைமையில் ஆய்வு கூட்டம் மண்டல அளவில் நடக்க உள்ளது.
இதில், 10ம் வகுப்பு, பிளஸ் 2 தேர்வில் 70 சதவீதத்துக்கு குறைவாக தேர்ச்சி
பெற்ற அரசுப்பள்ளிகள் தலைமை ஆசிரியர்களுடன், முதன்மை கல்வி அலுவலர்கள்,
மாவட்ட கல்வி அலுவலர்கள், மெட்ரிக் பள்ளி ஆய்வாளர்கள் பங்கேற்க வேண்டும்.
தேர்ச்சி விகிதம் அதிகரிக்க எடுக்கப்பட்ட நடவடிக்கை குறித்து விளக்கம்
அளிக்க வேண்டும். ஆக.,13ல்- வேலூர், திருவண்ணாமலை, திருவள்ளூர்
மாவட்டங்களுக்கு உட்பட்ட மண்டல அளவிலான கூட்டம் திருவள்ளூரில்
துவங்குகிறது.
ஆக., 20ல் மதுரை,
திண்டுக்கல், தேனி, சிவகங்கை,விருதுநகர் மாவட்டங்களுக்கு
திண்டுக்கல்லிலும்; செப்.,1ல் தூத்துக்குடி, ராமநாதபுரம், திருநெல்வேலி,
கன்னியாகுமரி மாவட்டங்களுக்கு தூத்துக்குடியிலும் ஆய்வு கூட்டம் நடக்கும்.
இவ்வாறு அதில் கூறப்பட்டுஉள்ளது.
