உள்ளாட்சி தேர்தலை உரிய காலத்தில் நடத்தி முடிக்காவிட்டால் மாநில தேர்தல்
ஆணையம் மீது அவமதிப்பு வழக்கு தொடரப்படும் என்று ஐகோர்ட் கண்டனம்
தெரிவித்துள்ளது. தமிழகத்தில் உள்ளாட்சி அமைப்புகளுக்கு தேர்தல் நடத்துவது
தொடர்பான வழக்கை விசாரித்த உயர் நீதிமன்ற நீதிபதிகள் நூட்டி
ராம்மோகன்ராவ் மற்றும் எஸ்.எம்.சுப்பிரமணியம் ஆகியோர் அடங்கிய டிவிஷன்
பெஞ்ச், வரும் மே 14-ம் தேதிக்குள் உள்ளாட்சி தேர்தலை நடத்தி முடிக்க
வேண்டும் என காலக்கெடு விதித்தனர்.
இது தொடர்பான மனுக்கள் மீதான விசாரணை நேற்று பொறுப்பு தலைமை நீதிபதி குலுவாடி ஜி.ரமேஷ் மற்றும் நீதிபதி டீக்கராமன் ஆகியோர் அடங்கிய முதல் டிவிஷன் பெஞ்சில் விசாரணைக்கு வந்தது.
அப்போது
மாநில தேர்தல் ஆணையம் சார்பில் புதிதாக ஒரு மனு தாக்கல் செய்யப்பட்டது.
அந்த மனுவில், ‘‘ வாக்காளர் பட்டியல் சரிபார்ப்பு பணிகள் முழு வீச்சில்
வேகமாக நடைபெற்று வருகிறது. உள்ளாட்சி அமைப்பைச் சேர்ந்த பணியாளர்கள் வேலை
நிறுத்தம் செய்ததால் பணிகளில் தொய்வு ஏற்பட்டுள்ளது. எனவே உயர் நீதிமன்றம்
உத்தரவுப்படி மே 14ம் தேதிக்குள் உள்ளாட்சி தேர்தலை நடத்துவது சிரமம். எனவே
தேர்தலை நடத்துவதற்கான காலக்கெடுவை நீட்டிக்க வேண்டும்’’ என்று
கூறப்பட்டிருந்தது.இது தொடர்பான மனுக்கள் மீதான விசாரணை நேற்று பொறுப்பு தலைமை நீதிபதி குலுவாடி ஜி.ரமேஷ் மற்றும் நீதிபதி டீக்கராமன் ஆகியோர் அடங்கிய முதல் டிவிஷன் பெஞ்சில் விசாரணைக்கு வந்தது.
மேலும் மாநில தேர்தல் ஆணையம் சார்பில் ஆஜரான மூத்த வழக்கறிஞர் பி.குமார், உள்ளாட்சி தேர்தலை மே 14க்குள் நடத்த வேண்டும் என டிவிஷன் பெஞ்ச் உத்தரவுக்கு தடை விதிக்க வேண்டும், என வாதிட்டார்.
இதைக் கேட்ட நீதிபதிகள், தேர்தல் ஆணையத்தின் பதில் மனுவை ஏற்க முடியாது. உள்ளாட்சி தேர்தல் தொடர்பாக மீண்டும் மீண்டும் புதிய புதிய பதில் மனுக்கள் தாக்கல் செய்யப்படுவது கேலிக்கூத்தாகவும், நீதிமன்ற நேரத்தை வீணடிப்பதாகவும் உள்ளது. மாநில அரசு மற்றும் மாநில தேர்தல் ஆணையத்தின் ஒவ்வொரு நடவடிக்கைக்கும் உயர் நீதிமன்றம் உத்தரவு பிறப்பித்துக் கொண்டே இருக்க முடியாது.ஏற்கனவே மே 14ம் தேதிக்குள் உள்ளாட்சி தேர்தலை நடத்தி முடிக்க வேண்டுமென டிவிஷன் பெஞ்ச் உத்தரவிட்டுள்ளது. அதன்படி உள்ளாட்சி தேர்தலை நடத்தி முடிக்காவிட்டால் நீதிமன்ற அவமதிப்பு நடவடிக்கையை சந்திக்க நேரிடும்’ என எச்சரித்தனர்.
மேலும் மே 14க்குள் தேர்தலை நடத்தி முடிக்க வேண்டும் என்ற உத்தரவுக்கு எதிராக வேண்டுமானால் மாநில தேர்தல் ஆணையம் உச்ச நீதிமன்றத்தில் மறுசீராய்வு மனு தாக்கல் செய்யலாம். அதை விட்டுவிட்டு நீதிமன்றத்தின் நேரத்தை வீணடிப்பதை ஏற்க முடியாது என்று உத்தரவிட்டு விசாரணையை 1 வாரத்திற்கு தள்ளிவைத்தனர்.
