‘தமிழ் மற்றும்
ஆங்கிலப் பேச்சு போட்டியில் வெற்றி பெறும் மாணவர்கள், ஜப்பான் அழைத்துச்
செல்லப்படுவார்கள்’ என்று சென்னையில் உள்ள ஜப்பான் கலாச்சார மையம்
அறிவித்துள்ளது.ஜப்பான் கலாச்சார மையமான எபிகே-எஒடிஎஸ் டூசோகை, திங்கள்கிழமை வெளியிட்டுள்ள செய்தியில் கூறியிருப்பதாவது:
தமிழகத்தில் உள்ள
பிளஸ் 1, பிளஸ் 2 மற்றும் கல்லூரி மாணவர்களுக்குத் தமிழ் மற்றும் ஆங்கில
மொழியில் பேச்சுப் போட்டி நடத்த திட்டமிடப்பட்டுள்ளது. முதல் கட்டமாகத்
தமிழ்ப் பேச்சுப் போட்டி சென்னையில் உள்ள மாநகராட்சி மற்றும் அரசு பள்ளி
மாணவர்களுக்கு வரும் 23-ம் தேதி நடைபெற உள்ளது. இரண்டாம் கட்டமாக மற்ற
மாவட்டங்களில் உள்ள அரசு, சிபிஎஸ்சி, மெட்ரிகுலேஷன் பள்ளி மாணவர்களுக்கு
அடுத்த மாதம் 6-ம் தேதி நடைபெற உள்ளது.
கல்லூரி
மாணவர்களுக்கான ஆங்கிலப் பேச்சு போட்டி, அடுத்த மாதம் 13-ம் தேதி நடைபெற
உள்ளது. மூன்று பிரிவுகளில் முதல் பரிசு பெறும் மாணவர்கள், இரண்டு வார
காலம் இலவசமாக ஜப்பான் நாட்டுக்குச் சுற்றுலா அழைத்துச் செல்லப்படுவார்கள்.இவ்வாறு செய்தி குறிப்பில் கூறப்பட்டுள்ளது.
