மருத்துவப் படிப்பில் பொதுப்பிரிவினருக்கு கூடுதல் இட ஒதுக்கீடு : தமிழக அரசுக்கு உச்ச நீதிமன்றம் உத்தரவு:

தமிழகத்தில் எம்.பி.பி.எஸ். உள்ளிட்ட மருத்துவப் படிப்புக்கான மாணவர் சேர்க்கையில் பொதுப் பிரிவினருக்கு கூடுதல் இடம் ஒதுக்கீடு செய்ய தமிழக அரசுக்கு உச்ச நீதிமன்றம் உத்தரவிட்டுள்ளது.தமிழகத்தில் பிற்படுத்தப்பட்டோருக்கு கல்வியில் 69 சதவீத இட ஒதுக்கீடு இருப்பதால் பொதுப்பிரிவு மாணவர்கள் பாதிக்கப்படுகின்றனர்.இதனை எதிர்த்து பொதுப்பிரிவு மாணவிகள் சிலர் உச்ச நீதிமன்றத்தில் பொது நலன் மனு தாக்கல் செய்தனர்.மனுவை விசாரித்த உச்ச நீதிமன்றம், தமிழகத்தில் மருத்துவம் உள்ளிட்ட தொழிற்கல்வி படிப்புகளில் பொதுப் பிரிவினருக்கு கூடுதல் இடங்கள் ஒதுக்குமாறு தமிழக அரசுக்கு உத்தரவிட்டனர்.

மேலும், இந்த மனுவை அரசியல் சாசன அமர்வுக்கு மாற்ற இயலாது என்றும், அது குறித்து மாணவிகள் சார்பில் 2 வாரத்தில் பதில் மனு தாக்கல் செய்யவும், தமிழக அரசு சார்பில் 4 வாரத்தில் பதில் மனு தாக்கல் செய்யவும் உத்தரவிட்டுள்ளனர்.