பொங்கல் திருவிழா-அரசினர் மேல்நிலைப் பள்ளி ஆறகழூர் சேலம் மாவட்டம்:

சேலம் மாவட்டம் ஆறகழுர் அரசு மேல்நிலைப்பள்ளியில் 13.01.2015 அன்று பொங்கல் திருவிழா சிறப்பாக கொண்டாடப்பட்டது. இப்பள்ளியின் தலைமையாசிரியர் திரு. இரா.தேவராஜன் அவர்கள் சிறந்த வகுப்பறை அலங்கரிப்பு மற்றும் சிறந்த கோலத்திற்கும் பரிசுகள் வழங்கப்படும் என்று அறிவித்திருந்தார். மாணவர்கள் அனைவரும் ஆர்வத்துடன் தங்கள் வகுப்பறைகளை அலங்கரித்திருந்தனர். மாணவர்கள் அனைவரும் தங்கள் வகுப்பறைகளுக்கு வண்ண சுண்ணாம்புகள் அடித்து சிறப்பித்ததன் விளைவாக பள்ளியில் உள்ள அனைத்து வகுப்புகளுக்கும் வண்ணம் தீட்டப்பட்டிருந்தது சிறப்பாக அமைந்தது. மாணவிகள் அனைவரும் தங்கள் வகுப்பறைகளுக்கு வெளியே சிறந்த கோலங்களை வரைந்து வைத்திருந்தனர். அருகாமையில் உள்ள பள்ளியில் இருந்து நடுவர்கள் வரவழைக்கப்பட்டு மாணவர்களுக்கு பரிசுகள் வழங்கப்பட்டது. மேலும் மாலையில் பள்ளியின் சார்பில் பொங்கல் வைத்து படைக்கப்பட்டது. இப்பள்ளியில் உள்ள மாணவர்கள் அனைவருக்கும்  பொங்கல் மற்றும் இனிப்புகள் வழங்கப்பட்டது. பள்ளியே விழாக்கோலம் பூண்டிருந்தது  சிறப்பாக அமைந்தது. இவ்விழாவானது மாணவர்கள் அனைவரிடமும் புத்துணர்ச்சி ஏற்படுத்தியதோடு அல்லாமல் ஒற்றுமையுணர்வை ஏற்படுத்தியுள்ளது சிறப்பாக அமைந்திருந்தது.