எஸ்.எஸ்.எல்.சி. சமூக அறிவியல் தேர்வில் 15 மதிப்பெண்ணுக்கு உரிய 2 வரை
படங்கள் சரியாக அச்சிடப்படவில்லை. அதனால் தெளிவாக தெரியாததால் மாணவர்கள்
குழப்பம் அடைந்தனர்.தமிழ்நாடு மற்றும் புதுச்சேரியில் எஸ்.எஸ்.எல்.சி. தேர்வு கடந்த
மாதம்(மார்ச்) 19-ந்தேதி தொடங்கியது. இந்த தேர்வை 11 லட்சம் மாணவர்கள்
எழுதினார்கள். தமிழ் முதல் தாளுடன் தொடங்கிய அந்த தேர்வு நேற்று சமூக
அறிவியலுடன் முடிவடைந்தது.
தேர்வு பகல் 12 மணிக்கு முடிந்து வெளியே வந்த பெரம்பூரைச் சேர்ந்த மாணவ-மாணவிகள் கூறியதாவது:-
சரியாக அச்சிடப்படாத வரைபடம்
எஸ்.எஸ்.எல்.சி. சமூக அறிவியல் தேர்வில் கேள்விகள் அனைத்தும் எளிதாக
இருந்தன. பெரும்பாலான கேள்விகள் பாடப்புத்தகத்தின் பின் பக்கத்தில்
கொடுக்கப்பட்டவைதான். மேலும் கடந்த வருடங்களில் கேட்கப்பட்ட கேள்விகள்தான்
பெரும்பாலும் வந்திருந்தன.தேர்வு பகல் 12 மணிக்கு முடிந்து வெளியே வந்த பெரம்பூரைச் சேர்ந்த மாணவ-மாணவிகள் கூறியதாவது:-
சரியாக அச்சிடப்படாத வரைபடம்
ஆனால் 53 மற்றும் 54 எண் கொண்ட கேள்விகள் வரைபடத்திற்கான கேள்விகள் ஆகும். 53-வது கேள்வி வரலாறு பகுதியில் இருந்து கேட்கப்பட்டிருந்தது. அது 5 மதிப்பெண்ணுக்கு உரியது. ஆனா£ல் சரியாக அச்சிடப்படவில்லை. வரைபடம் தெளிவாக இல்லை. மேலும் 54-வது கேள்வி புவியியல் பகுதியில் இருந்து கேட்கப்பட்ட வரைபட வினா ஆகும். அந்த வினாவுக்கு 10 மதிப்பெண்கள். இந்த வரைபடமும் சரியாக அச்சிடப்படாமல் தெளிவு இல்லாமல் இருந்தது. அதனால் கேள்வியில் 10 இடங்களை குறிக்க என்று கேட்கப்பட்டிருந்தது. அதன் காரணமாக அந்த இடங்களை சரியான இடத்தில் குறிப்பது சிரமமாக இருந்தது. இந்த 2 கேள்விகளுக்கும் பதில் அளிக்க நாங்கள் சிரமப்பட்டோம். மிகவும் குழப்பமாக இருந்தது.
அச்சிடும்போது சரியாக அச்சிட்டால் அந்த பிரச்சினை இல்லை. இவ்வாறு அந்த மாணவ-மாணவிகள் தெரிவித்தனர். ஏற்கனவே கடந்த சில வருடங்களில் இப்படி வினாத்தாள் சரியாக அச்சிடப்படாமல் குறிப்பிட்ட பகுதிகளில் இருந்திருக்கிறது.
கொண்டாட்டம்
நேற்று எஸ்.எஸ்.எல்.சி. தேர்வு முடிவடைந்தது. அதனால் மாணவர்கள் பலர் மகிழ்ச்சியில் ஒருவருக்கு ஒருவர் முகத்தில் சாயம் பூசி மகிழ்ந்தனர். சிலர் பட்டாசு வெடித்து கொண்டாடினார்கள்.
