பி.இ. சேர்க்கை: 35 ஆயிரம் விண்ணப்பங்கள் சமர்ப்பிப்பு:

பொறியியல் சேர்க்கைக்கான விண்ணப்பங்களைச் சமர்ப்பிக்க இன்னும் 6 நாள்களே உள்ள நிலையில், வெள்ளிக்கிழமை மாலை வரை 35 ஆயிரம் பேர் மட்டுமே நிறைவு செய்த விண்ணப்பங்களைச் சமர்ப்பித்துள்ளனர்.பொறியியல் சேர்க்கைக்கான விண்ணப்ப விநியோகம் மே 6-ஆம் தேதி தொடங்கியது. பிற மையங்களில் மே 27-ஆம் தேதி வரையிலும், சென்னை அண்ணா பல்கலைக்கழக மையங்களில் மட்டும் மே 29-ஆம் தேதி வரையிலும் விண்ணப்பங்கள் விநியோகிக்கப்பட உள்ளன.அதன்படி, விண்ணப்ப விநியோகம் இன்னும் 6 நாள்களே நடைபெற உள்ள நிலையில், வியாழக்கிழமை மாலை வரை 1 லட்சத்து 82 ஆயிரத்து 831 விண்ணப்பங்கள் மட்டுமே விநியோகமாகியுள்ளன.இதுபோல் பூர்த்தி செய்த விண்ணப்பத்தைச் சமர்ப்பிக்க இன்னும் 6 நாள்களே உள்ள நிலையில் 35 ஆயிரம் விண்ணப்பங்கள் மட்டுமே பல்கலைக்கழகத்தில் சமர்ப்பிக்கப்பட்டுள்ளன.