செவிலிய பட்டயப் படிப்பு கலந்தாய்வு நிறைவு: 237 காலியிடங்கள்:

செவிலிய பட்டயப் படிப்புக்கான கலந்தாய்வு புதன்கிழமை நிறைவுபெற்றது. கலந்தாய்வின் முடிவில் மொத்தம் 237 காலியிடங்கள் ஏற்பட்டுள்ளன. தமிழகத்தில் உள்ள அரசு செவிலிய பட்டயப் படிப்பு கல்லூரிகளில் உள்ள 2,000 இடங்களில் மாணவிகள் சேர்க்கைக்கான கலந்தாய்வு சென்னையில் ஆகஸ்ட் 31-ஆம் தேதி தொடங்கியது. ஓமந்தூரார் பல்நோக்கு சிறப்பு மருத்துவமனையில் மூன்று நாள்கள் நடைபெற்ற கலந்தாய்வின் முடிவில் மொத்தம் 1,763 இடங்கள் பூர்த்தியாகியுள்ளன. மீதம் உள்ள 237 இடங்களுக்கான இரண்டாம் கட்ட கலந்தாய்வு இந்த மாதம் மூன்றாவது வாரத்தில் நடைபெறும் என, தேர்வுக் குழு செயலர் டாக்டர் உஷா சதாசிவம் தெரிவித்தார்