பொதுப்பணி இன்ஜி., பணிக்கு தேர்வு பட்டியல் வெளியீடு:

பொதுப்பணித் துறையில், 98 உதவி பொறியாளர் காலியிடங்களுக்கு, சான்றிதழ் சரிபார்ப்பு மற்றும் நேர்முகத் தேர்வுக்கான தேர்வர் பட்டியலை, தமிழ்நாடு அரசு பணியாளர் தேர்வாணையமான, டி.என்.பி.எஸ்.சி., வெளியிட்டு உள்ளது.இதுகுறித்து, டி.என்.பி.எஸ்.சி., தலைவர் (பொறுப்பு) பாலசுப்ரமணியன் கூறியதாவது:தமிழக பொதுப்பணித் துறையில், உதவி பொறியாளர் பணிக்கு, காலியாக உள்ள, 98 இடங்களுக்கு, கடந்த ஆண்டு, ஜூலை 27ல், எழுத்துத் தேர்வு நடந்தது; இதில், 31 ஆயிரம் பேர் எழுதியதில், 218 பேர் சான்றிதழ் சரிபார்ப்புக்கு தேர்வாகி உள்ளனர். அவர்களின் பட்டியல், இணையதளத்தில் வெளியிடப்பட்டு உள்ளது. வரும், 10, 11 மற்றும் 14ம் தேதிகளில், சான்றிதழ் சரிபார்ப்பு நடக்கும்; இதில் தேர்வு செய்யப்படுவோருக்கு,

வரும் 28ம் தேதி முதல், மூன்று நாட்களுக்கு நேர்முகத் தேர்வு நடத்தப்படும்.குரூப் - 2 முதல்நிலை தேர்வு முடிவு, இரு வாரங்களில் வெளியிட வாய்ப்புஉள்ளது. தற்போதைய நிலை யில், 12 துறைகளில் பணி நியமன தேர்வு நடத்த ஏற்பாடுகள் செய்து வருகிறோம்.இவ்வாறு அவர் கூறினார்.