உங்கள் குழந்தை/களு-க்கு இதெல்லாம்தெரியுமா?பழக்கியிருக்கிறீர்களா?

1. பெரியவர்களோ சின்னவர்களோ பேசிக்கொண்டிருக்கும்பொழுது

கவனத்தை திசை திருப்ப பிள்ளைகள் குறுக்கே புகுந்து பேசுவார்கள்.

இப்படி பிள்ளை செய்யும் முதல் முறையே,”நாங்கள் பேசி

முடிக்கும் வரை காத்திருக்க வேண்டும்” என்று தெளிவாக

சொல்ல வேண்டும்.

Waiting their turn என்று ஆங்கிலத்தில்

சொல்வோம். அப்படி பேசிக்கொண்டிருக்கும்பொழுது அருகில்

இருக்கும் குழந்தையின் கைகளை பிடித்துக்கொண்டிருத்தல்/

தோள்மீது கைபோட்டுக்கொண்டிருத்தலால் பிள்ளையின் மீது

கவனம் இருக்கிறது என்று புரிய வைக்கிறோம்.

2.பேரைச் சொல்லவா? அது நியாயமாகுமா? நியாயமே இல்லை.

பெரியவர்களைப்பெயர் சொல்லி அழைக்ககூடாது என்று சொல்வதோடு

மட்டுமல்லாமல் அவ்வாறு அழைத்தலால் அவர்கள் மனது என்ன

வேதனைப்படும் என்றும் புரிய வைக்க வேண்டும்.

(நண்பர்களைக் கூட வாடி,போடி, அடா,புடா என்று பேசுவதைத்

தவிர்த்து பெயர் சொல்லி மென்மையாக அழைக்கப்பழக்குவது

மிகுநலம்தரும்.)

3. வீட்டுக்கு யாராவது வந்தால் பிள்ளைகள் கதவை

திறந்து விட்டு ஓடியே போய்விடுவார்கள். வந்தவர்கள்

வாயிலில் தேமே என்று நிற்க வேண்டும்.

வீட்டுக்கு வரும் விருந்தினரை வரவேற்க பழக்க வேண்டும்.

கை குலுக்கி ஹாயோ, வணக்கமோ சொல்ல வேண்டும்.

இதனால் விருந்தினர்கள் மனதுக்கும் மகிழ்ச்சி.

4. Sorry,

Please, Thank you போன்ற வார்த்தைகளைச்

சொல்ல பழக்க வேண்டும். நம்மிடம் நன்றி சொல்லும்பொழுது

"You're welcome" சொல்ல மறக்காதீர்கள்.

5. சில வீடுகளில் பிள்ளைகள் சாப்பிட்டதும் தட்டைக் கழுவுவதில்லை.

பால்குவளை, உணவு உண்ணும் தட்டு யாவும் மேசையில் இருக்கும்.

அதே போல் தான் விளையாடி முடித்த பிறகு அதை அப்படியே

போட்டுவிட்டு வேறு ஏதேனும் செய்யப்போய்விடுவார்கள்.

இது தவறு. முதலில் அந்த இடத்தைச் சுத்தம் செய்துவிட்டு

அடுத்த வேலையைப் பார்க்கச் சொல்லுங்கள்.

6.விளையாட்டில் கூட தோல்வியை சில குழந்தைகள்

ஒப்புக்கொள்ள மாட்டார்கள்.

நிஜத்தில் வெற்றி/தோல்வி இரண்டையும் ஏற்கும் பக்குவத்தை

வளர்க்க வேண்டும்.

அதுதான்Good sportsmanship.

7. யாராவது குழந்தைகளைப் பாராட்டினால் நன்றி சொல்லப்

பழக்க வேண்டும். மேலும் மற்றவர்களின் குற்றங்களைச்

சொல்லத்துவங்கக்கூடாது.

8. வயதானவர்களுக்குத்தான் முதலிடம். இதை குழந்தைகளின்

ஆழ்மனத்தில் நன்குபதிய வைக்க வேண்டும்.அதே போல் வீட்டுக்கு

வந்திருந்த விருந்தினர்கள் கிளம்பியதும் கதவை டமால்

என்று அடித்துச் சாத்தக்கூடாது என்பதையும் புரிய வைக்க

வேண்டும்.

9. எந்தநிலையிலும் கதவு திறந்ததும் முண்டியடித்து உள்ளே

நுழையாமல் உள்ளே இருப்பவர்கள் வெளியே

வந்ததும், நாம் உள்ளே செல்ல வேண்டும் என உங்கள் அன்புக்குரிய கேழந்தைகளுக்குச் சொல்லிக்கொடுக்க வேண்டும்.

ஒரு அறை அல்லது கட்டிடத்தில் உள்ளே/வெளியே

செல்லும் பாதை ஒரே கதவாக இருந்தால் வெளிவருபவரை முதலில் அனுமதிக்க வேண்டும்.பிறகுதான்

நாம் உள் செல்ல வேண்டும்.

10.வேற்றுமையை மதிக்க கற்றுக்கொடுக்க வேண்டும்.

மொழி,கலாசாரம்,மதம், பழக்க வழக்கங்கள் இதுமனிதருக்கு மனிதர், குடும்பத்துக்கு குடும்பம் மாறுபடும். இதை கேலி செய்வதை விடுத்து அவர்களின்பழக்கத்தை மதிக்க கற்றுக்கொடுக்க வேண்டும்.

ஒவ்வொரு குடும்பத்தினருக்கும் அவர்களுக்குரிய தனித்த

பழக்க

வழக்கங்கள்,கலாச்சாரங்கள் இருக்கின்றன. அவை

அந்தக் குடும்பத்துக்கு முக்கியமானது என்பதை

பிள்ளைகள் உணரவேண்டும்.