பயனுள்ள தகவல் சத்தான உணவு-கேழ்வரகு கார குழிப்பணியாரம்!

இரும்புச் சத்து, நார்ச்சத்து நிறைந்த, நோய் எதிர்ப்பு சக்தியை அதிகரிக்க உதவும் கேழ்வரகு உணவு வகைகளை நாம் மறந்தே போய் விட்டோம்!
 நம் முன்னோர்கள் கேழ்வரகு கூழ் மற்றும் களி போன்ற என்னற்ற கேழ்வரகு உணவு வகைகளை உண்டு ஆரோக்கியமாக வாழ்ந்தார்கள்.
நாமும் ஆரோக்கியமாக இருக்கும் பொருட்டு சிறிது புதுமையான வித்தியாசமான கேழ்வரகுப் பணியாரம் செய்து பார்க்கலாம்.
பணியார மாவு தயாரிக்க:
கேழ்வரகு - 1 கப்
புழுங்கல் அரிசி - 3/4 கப்
இட்லி அரிசி - 3/4 கப்
உளுத்தம் பருப்பு - 1/4 கப்
உப்பு - தேவையான அளவு
தாளிக்க:
எண்ணெய், கடுகு,
கடலை பருப்பு, உளுத்தம் பருப்பு மற்றும் மிளகு
உப்பு - தேவையான அளவு
வெங்காயம் - 2 பொடியாக நறுக்கியது
இஞ்சி - 1/2 துண்டு

பச்சை மிளகாய் - தேவைக்கு ஏற்ப
கொத்தமல்லி - சிறிதளவு
எண்ணெய் - பணியாரம் சுடுவதற்கு.செய்முறை:
🍳மாவுக்காக கொடுக்கப்பட்டுள்ள பொருட்களை 4 மணி நேரம் ஊற வைத்து பின் மைய இட்லி சுடும் பதத்தில் அரைத்து உப்பு சேர்த்து கொள்ளவும்.
🍳தாளிக்க தேவையான எண்ணெய் ஊற்றி கடுகு, கடலை பருப்பு, உளுத்தம் பருப்பு, மிளகு சேர்த்து தாளிக்கவும். பின்பு வெங்காயம், இஞ்சி, பச்சை மிளகாய் சேர்த்து வதக்கவும். பின்பு மல்லி தழை தூவி உப்பு சேர்த்து மாவில் கொட்டி கலக்கவும்.
🍳பின்னர் குழிப்பணியார கல் வைத்து காய்ந்ததும் அதற்குள் மாவை ஊற்றி, தேவையான அளவு எண்ணெய் ஊற்றி இருபுறமும் வெந்ததும் எடுக்கவும்.
🍳விருப்பத்திற்கேற்ப பொருத்தமான சட்னி வைத்து சாப்பிடலாம். சுவையும் சத்தும் மிகுந்தது.
சாப்பிட்டு சொல்லுங்க