கடலுார், : கடலுார் செவித்திறன் குறையுடையோருக்கான அரசு நடுநிலைப்
பள்ளியில் மாணவர் சேர்க்கைக்கு விண்ணப்பங்கள் வரவேற்கப்படுகிறது. பள்ளி
தலைமை ஆசிரியை மரிய பாஸ்கா வெளியிட்டுள்ள செய்திக்குறிப்பு: கடலுார்
செவித்திறன் குறையுடையோருக்கான அரசு நடுநிலைப் பள்ளியில் எல்.கே.ஜி.,
முதல், 8ம் வகுப்பு வரை உள்ளது. இங்கு, 3 வயதிற்கு மேற்பட்ட மாணவர்கள்
சேர்க்கப்படுகின்றனர். மாற்றுத் திறனாளிகள் நலத்துறையின் கீழ் இயங்கும்
இப்பள்ளியில் கல்வி, உணவு, தங்குமிடம், சீருடை, கல்வி உதவித் தொகை,
காதொலிக் கருவி, பஸ் பாஸ் அனைத்தும் இலவசமாக வழங்கப்படுகிறது.கணினி
ஆய்வகம், திறன் வகுப்பு உள்ளது. இப்பள்ளியில் 2020-2021ம் கல்வியாண்டிற்கு
மாணவர்கள் சேர்க்கைக்கு விண்ணப்பங்கள் வரவேற்கப்படுகின்றன.மேலும்,
விவரங்களுக்கு செவித் திறன் குறையுடையோருக்கான அரசு நடுநிலைப் பள்ளி,
ஆல்பேட்டை, மஞ்சக்குப்பம், கடலுார் என்ற முகவரியில் 04142-221744 என்ற
தொலைபேசி எண்ணில் தெரிந்து கொள்ளலாம்.இவ்வாறு செய்திக்குறிப்பில்
கூறப்பட்டுள்ளது.
