சனி – சூப்பர் பரிகாரம்

சனி உங்கள் ஜாதகத்தில் எந்த நிலையில் இருந்தாலும் கீழ்காணும் பரிகாரங்கள் செய்து கொள்ளுங்கள். சனியால் ஏற்படும் தீமைகள் குறைந்து கண்டிப்பாக நன்மைகள் அதிகரிக்கும்.

1. சமையலுக்கு நல்லெண்ணை மட்டும் உபயோகியுங்கள்.கொலஸ்ட்ரால் இத்யாதி பிரச்சினைகள் இல்லை என்றால் வெண்ணை, மோர் சேர்க்கலாம்.

2. கருப்பு நிறத்தைத் தவிர்த்து, நீலநிற ஆடை, அணிகலன்களை அதிகம் உபயோகியுங்கள். ஆடைகள் அழுக்காகவும் ,தையல் பிரிந்தும், வெளிறியும் இருந்தால் விசேஷம்.

3.பரம ஏழைகள், மற்றும் உடல் ஊனமுற்றவர்களுக்கு ( கால் ஊனம் விசேஷம்) ,பழுத்த முதியவர்களுக்கு பழைய பொருட்கள் மற்றும் இரும்பு தானம் செய்யவும்.

4. சென்ட், பாடி ஸ்ப்ரேயர் தவிர்க்கவும்.

5. வேப்பிலை ரசம் குடிக்கவும். அகத்திக்கீரை, பாகற்காய் அதிகம் உணவில் சேர்க்கவும்.

6. சனிக்கு உரிய ரத்தினம் நீலம். இதை தங்கத்தில் அணியக்கூடாது முடிந்தால் சனிக்கு உரிய உலோகமான இரும்பில் அணியவும். அல்லது சனியின் மித்திர கிரகமாகிய சுக்கிரனுக்குரிய வெள்ளியிலோ அணிவது நல்லது. ஸ்டீல் மோதிரம், வளையம், டாலர் , கருப்புகயிறு அணியவும்.,

7. குடியிருப்பது பழைய வீடாயிருந்தால், அதைப் பலப்படுத்திக் கொள்ளுங்கள். அலங்கரிக்காதீர்கள்.

8. தோட்டம் போடுங்கள். பலன்களை தவிர்த்து விடவும்.

9. சனியின் ஆளுகைக்குட்பட்ட தொழில்களில் நீங்கள் இருந்தால் , அந்த தொழிலை தெய்வமாக மதியுங்கள்.

10. தியானம் செய்யுங்கள். கிராமக் காவல் தேவதைகளை வழிப்படுங்கள்.

11. யாரேனும் போலீஸ் ஸ்டேஷன், கோர்ட்டு, ஆஸ்பத்திரி, சுடுகாட்டுக்கு லிப்ட் கேட்டால் தயங்காமல் கொடுங்கள். பிரச்சினை வராது என்றால் துணையாகவும் போங்கள்.

12. எதிலும் பெரிதாய் சுத்தம் / சுகாதாரம் பார்க்காதீர்கள்.

13. மேற்கு திசையில் பள்ளம், காலியிடம் இருக்கக் கூடாது.

14 . அநாதை பிணம் எரிப்பதற்கு உதவி செய்யுங்கள். யாருடைய இறப்பு செய்தி உங்கள் காதுக்கு வந்தாலும் ஒரு நிமிடம் அந்த ஆன்மா சாந்தி அடைய பிரார்த்தனை செய்யுங்கள்.

15. உண்ணும் உணவில் எளிமை கடைபிடியுங்கள்.

16 .முக்கியமாக ஆடம்பரம் தவிருங்கள்.

17 . சனிக்கிழமை ஏழைகளுக்கு முடிந்தவரையில் அன்னதானம் செய்யுங்கள்.