சைனிக் பள்ளிகளில் சேர நுழைவுத்தேர்வு எழுத உள்ள மாணவர்களுக்கான ஹால் டிக்கெட்டை, தேர்வை நடத்தும் என்டிஏ வெளியிட்டுள்ளது.
நாடு முழுவதும் உள்ள 33 சைனிக் பள்ளிகளில் 2021- 22ஆம் கல்வியாண்டில் 6 மற்றும் 9-ம் வகுப்பு மாணவர் சேர்க்கைக்கான தேசிய நுழைவுத் தேர்வு ஜன.10-ம் தேதி நடைபெறும் என முன்னர் அறிவிக்கப்பட்டது. அதற்கான விண்ணப்பப் பதிவு நடைமுறைகளும் மேற்கொள்ளப்பட்டன. இதற்கிடையே நிர்வாகக் காரணங்களால் நுழைவுத்தேர்வு பிப். 7-ம் தேதிக்குத் தள்ளி வைக்கப்பட்டது.
இந்நிலையில் தேர்வு எழுத உள்ள 6 மற்றும் 9-ம் வகுப்பு மாணவர்களுக்கான ஹால் டிக்கெட்டை, தேர்வை நடத்தும் என்டிஏ வெளியிட்டுள்ளது. இதில் தேர்வரின் பெயர், அடையாள எண், தேர்வு மையம், தேதி மற்றும் இடம் போன்ற விவரங்கள் குறிப்பிடப்பட்டிருக்கும்.
ஹால் டிக்கெட்டைத் தரவிறக்கம் செய்ய: aissee.nta.nic.in
இதுகுறித்த கூடுதல் விவரங்களை என்டிஏ இணையதளத்தில் (www.nta.ac.in) அறிந்து கொள்ளலாம். ஏதேனும் சந்தேகங்கள் இருப்பின் 0120 6895200 என்ற தொலைபேசி எண்ணைத் தொடர்புகொண்டோ அல்லது aissee@nta.ac.in என்ற மின்னஞ்சல் வழியாகத் தொடர்புகொண்டோ விளக்கம் பெறலாம்.
வரும் கல்வி ஆண்டு முதல் அனைத்து சைனிக் பள்ளிகளிலும் ஆறாம் வகுப்பில் சேருவதற்கு மாணவிகளும் விண்ணப்பம் செய்யலாம். அதேபோல வரும் கல்வி ஆண்டு (2021-22) முதல் கிரீமிலேயர் அல்லாத இதர பிற்படுத்தப்பட்ட வகுப்பினருக்கான இட ஒதுக்கீட்டின் கீழும் மாணவர் சேர்க்கை நடைபெற உள்ளது குறிப்பிடத்தக்கது.
No comments:
Post a Comment
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
1. இங்கு பதிவாகும் கருத்துக்கள் வாசகர்களின் சொந்த கருத்துக்களே.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விக்குரலுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. இணையதள முகவரிகள், வலைப்பக்கங்களின் சுட்டிகளை இங்கே பதிவிட வேண்டாம் என வேண்டுகிறோம்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் வேண்டுகிறோம்-கல்விக்குரல்...