கிருஷ்ணகிரி மாவட்டத்தில் கொரோனாவுக்கு வேப்பனப்பள்ளி அரசு மேல்நிலைப் பள்ளித் தலைமை ஆசிரியர் பலி :

 

 *⚫இரங்கல் செய்தி*

*கிருஷ்ணகிரி மாவட்டம் வேப்பனப்பள்ளி அரசு ஆண்கள் மேல்நிலைப்பள்ளி தலைமை ஆசிரியர் திரு. நரசிம்ம மூர்த்தி (வயது 55) அவர்கள் உடல் நலக்குறைவு (கொரோனா தொற்று) *காரணமாக நேற்று இரவு காலமாகிவிட்டார். அன்னாரை இழந்து வாடும் அவரது குடும்பத்தாருக்கும் , நண்பர்களுக்கும் ஆழ்ந்த இரங்கலை தெரிவித்து கொள்கின்*

*தொடரும் ஆசிரியர்கள் மரணம்!*

*மௌனம் காக்கும் அரசாங்கம்!!*

*இன்னும் எத்தனை பேரை தான் காவு கேட்கும் இந்த பள்ளிக் கல்வித்துறை*

*வேகமாக பரவி வருகின்ற உருமாற்றமடைந்த கொரோணா வைரஸால்  ஒட்டு மொத்த இந்தியாவே கதிகலங்கி போயுள்ள இந்த சூழலில் தலைமையாசிரியர் பெருமக்களும் ஆசிரியர் பெருமக்களும் தொடர்ந்து பாதிப்புக்கு உள்ளாகி வருவது மிகுந்த வருத்தத்தை தருகின்றது*

*இந்த இக்கட்டான காலகட்டத்திலும் பள்ளிக்குச் சென்று கல்வித்துறை கட்டளையிட்ட அனைத்து பணிகளையும் செவ்வனே செய்து முடித்து தங்கள் இன்னுயிரையும் பொருட்படுத்தாமல் உழைத்து வரும் ஆசிரியர் சமுதாயத்தினரிடையே இத்தகைய மரணங்கள் மாபெரும் பீதியை கிளப்பியுள்ளன*

*ஒன்று முதல் பதினொன்றாம் வகுப்பு வரை தேர்வுகள் இன்றி அனைத்து மாணவர்களும் தேர்ச்சி என்ற அறிவிப்பும் வந்துவிட்டது,தேர்வு எழுத இருந்த பன்னிரண்டாம் வகுப்பு மாணவர்களின் தேர்வு ஒத்தி வைக்கப்பட்டுள்ளது,மரணம் பயங்களுக்கு இடையேயும் மாணவர்களுக்கு செய்முறைத் தேர்வு வெற்றிகரமாக நடத்தி முடிக்கப்பட்டுள்ளது*

*இத்தகைய சூழலில் மாணவர்களே வராத பள்ளிக்கு ஆசிரியர்களை வரவழைத்து அவர்கள் உயிரோடு விளையாடிக்கொண்டு இருக்கின்றது இன்றைய தமிழக பள்ளிக்கல்வித்துறை*

*ஆளே இல்லாத கடையில் யாருக்கு யா டீ ஆத்துர என்று திரைப்படத்தில் வரும் நகைச்சுவை காட்சியைப் போல பள்ளிக்கல்வித்துறை ஆசிரியர்களை அலைக்கழிக்கிறது.யாரை திருப்திப்படுத்த இத்தகைய கொடூர நிகழ்வினை நடத்திக்கொண்டுள்ளதோ தெரியவில்லை*

*ஆசிரியர் சங்கங்களும் இயக்கங்களும் தொடர்ந்து குரல் கொடுத்துக் கொண்டிருக்கின்ற நிலையிலும் அமைச்சர்களுக்கும் அதிகாரிகளுக்கும் ஏனோ செவிகள் மூடியே உள்ளன...ஆசிரியர்கள் உயிர்தானே தானே போனால் போகட்டும் ஆட்குறைப்பு ஆகட்டும்- அதனால் அரசாங்கத்திற்கு லாபம் தானேஎன்று நினைக்கிறார்களோ என்னவோ!*

*தமிழக அரசும் பள்ளிக் கல்வித் துறையும் இனிமேலாவது  நம் மீது கவனத்தைத் திருப்புமா அல்லது  தொடர்ந்து மரண ஓலங்களை கேட்டுக்கொண்டே ரசித்துக்கொண்டே இருக்குமா?உயிரோடு இருந்தால் அதையும் பொறுத்திருந்து பார்ப்போம்*

இவண்

*தமிழ்நாடு அரசு உயர்நிலை மேல்நிலைப்பள்ளி பட்டதாரி ஆசிரியர் கழகம்*

*கிருஷ்ணகிரி மாவட்டம்*