10-ஆம் வகுப்பு பொதுத் தேர்வு வரும்
12-ஆம் தேதியுடன் முடிவடையும் நிலையில், விடைத்தாள் திருத்தும் பணிகள்
வரும் 15-ஆம் தேதி தொடங்கும் என அறிவிக்கப்பட்டுள்ளது.
10-ஆம் வகுப்பு பொதுத் தேர்வுக்கான
விடைத்தாள் திருத்தும் பணியை இம்மாதம் 30-ஆம் தேதிக்குள் முடிக்க அரசுத்
தேர்வுகள் இயக்ககம் திட்டமிட்டுள்ளது. சுமார் 12 லட்சம் மாணவ, மாணவிகள்
எழுதிய விடைத்தாட்கள் தமிழகம் முழுவதும் உள்ள 66 மையங்களில் வைக்கப்பட்டு
உள்ளன.
15,000-க்கும் மேற்பட்ட ஆசிரியர்கள்
விடைத்தாள் திருத்தும் பணியை மேற்கொள்கின்றனர். வரும் 12-ஆம் தேதி
விடைத்தாள் திருத்தும் மைய அதிகாரிகள் பொறுப்பேற்றுக் கொண்டு, விடைத்தாள்
எண்ணிக்கை குறித்த விவரங்களை சரிபார்க்கும் பணிகளில் ஈடுபடவுள்ளனர். 10-ஆம்
வகுப்பு தேர்வு முடிவுகள் மே மாதம் மூன்றாவது வாரத்தில் வெளியாகும் என
எதிர்பார்க்கப்படுகிறது.
