மருத்துவ படிப்பு: பொது பிரிவில் தொடரும் பி.சி., பிரிவினரின் ஆதிக்கம்:
தொடர்ந்து மூன்றாவது ஆண்டாக, மருத்துவ படிப்பு தரவரிசை பட்டியலில், முதல், 100 இடங்களில், 69 இடங்களை, பிற்படுத்தப்பட்ட வகுப்பினர் (பி.சி.,) பிடித்துள்ளனர். அதேபோல், முதல், 100 இடங்களில், 47 மாணவியர் இடம் பெற்றுள்ளனர்.
எம்.பி.பி.எஸ்., - பி.டி.எஸ்.,
ஆகிய மருத்துவ படிப்புகளுக்கான மாணவர் சேர்க்கை கலந்தாய்வு, வரும், 19ம்
தேதி துவங்குகிறது. இதற்கான தரவரிசை பட்டியல், சமீபத்தில் வெளியிடப்பட்டது.
இதில், 200க்கு 200 மதிப்பெண் எடுத்து, முதலிடத்தைப் பிடித்த அபினேஷ்
(திண்டுக்கல்) உட்பட, பி.சி., பிரிவைச் சேர்ந்த, ஏழு பேர், தரிவரிசை
பட்டியலில் முதல், 10 இடங்களுள் வந்துள்ளது குறிப்பிடத்தக்கது.
கடந்த, இரண்டு ஆண்டுகளைப் போலவே, இம்முறையும், தரவரிசை பட்டியலில்
முதல், 100 இடங்களில், 69 இடங்களை பி.சி., பிரிவினர் தக்க வைத்துள்ளனர்.
எம்.பி.சி., பிரிவினர், 17 பேர்; ஓ.சி., பிரிவினர், 9 பேர்; எஸ்.சி.,
பிரிவினர், 3 பேர்; பி.சி.எம்., பிரிவினர், 2 பேர், முதல், 100
இடங்களுக்குள் வந்துள்ளனர். முதல், 100 இடங்களை பிடித்துள்ளவர்களில், 47
பேர் மாணவியர் என்பது குறிப்பிடத்தக்கது.
மருத்துவப் படிப்புகளில், தற்போது நடைமுறையில் உள்ள இடஒதுக்கீடு
முறையில், ஓ.சி., பிரிவினரைக் காட்டிலும், சற்று குறைந்த, "கட்-ஆப்&'
மதிப்பெண் பெறும், பி.சி., பிரிவு மாணவர்களுக்கு, அரசு மருத்துவக்
கல்லூரிகளிலேயே இடம் கிடைக்க வாய்ப்புள்ளது.
எனினும், தரவரிசை பட்டியலில் முதல், 100 இடங்களில், அதிக இடங்களை
பிடித்துள்ளதன் மூலம், பொதுப் பிரிவில், பி.சி., பிரிவு மாணவர்களின்
ஆதிக்கம் தொடர்கிறது.
No comments:
Post a Comment
வாசகர்களின் கருத்து சுதந்திரத்தை வரவேற்கும் இந்தப் பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
1. இங்கு பதிவாகும் கருத்துக்கள் வாசகர்களின் சொந்த கருத்துக்களே.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விக்குரலுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. இணையதள முகவரிகள், வலைப்பக்கங்களின் சுட்டிகளை இங்கே பதிவிட வேண்டாம் என வேண்டுகிறோம்.
5. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்து பதிவிட அன்புடன் வேண்டுகிறோம்-கல்விக்குரல்...