தனியார் நர்சிங் கல்லூரிகளில் படித்தவர்களுக்கு அரசு ஆஸ்பத்திரியில் நர்சு பணி வழங்கும் அரசாணை செல்லும் மறு ஆய்வு செய்யக் கோரிய மனுவை தள்ளுபடி செய்து ஐகோர்ட்டு தீர்ப்பு :

தனியார் நர்சிங் கல்லூரிகளில் படித்தவர்களுக்கு அரசு ஆஸ்பத்திரியில் நர்சு பணி வழங்குவது தொடர்பாக தமிழக அரசு பிறப்பித்த அரசாணை செல்லும் என்ற தீர்ப்பை மறு ஆய்வு செய்ய கோரி தாக்கல் செய்யப்பட்ட மனுவை ஐகோர்ட்டு தள்ளுபடி செய்தது. அரசாணை செல்லும்அரசு அங்கீகாரம் பெற்ற தனியார் நர்சிங் கல்லூரிகளில் படித்தவர்களை அரசு ஆஸ்பத்திரியில் நர்சு பணிக்கு பரிசீலிக்கலாம் என்று 2012-ம் ஆண்டு தமிழக அரசு உத்தரவு பிறப்பித்தது.

இந்த உத்தரவை எதிர்த்து அரசு நர்சிங் கல்லூரிகளில் படித்தவர்கள் வழக்கு தொடர்ந்தனர். இந்த வழக்கை விசாரித்த தனி நீதிபதி, தமிழக அரசு பிறப்பித்த அரசாணை செல்லாது என்று உத்தரவிட்டார்.இந்த உத்தரவை எதிர்த்து தமிழக அரசு மற்றும் தனியார் நர்சிங் கல்லூரிகளில் படித்தவர்கள் அப்பீல் செய்தனர். இந்த அப்பீல் வழக்கை விசாரித்த சென்னை ஐகோர்ட்டின் அப்போதைய தலைமை நீதிபதி ராஜேஷ்குமார் அக்ரவால், நீதிபதி எம்.சத்தியநாராயணன் ஆகியோர் அரசு பிறப்பித்த அரசாணையை செல்லும் என்றும், தனி நீதிபதி பிறப்பித்த உத்தரவை ரத்து செய்தும் உத்தரவிட்டனர்.பணி நியமனம்இந்த உத்தரவை மறுஆய்வு செய்யக்கோரி சென்னை ஐகோர்ட்டில் கருப்புசாமி உள்ளிட்ட பலர் அப்பீல் செய்தனர். அந்த அப்பீல் மனுக்களில் கூறியிருந்ததாவது:-அரசு நர்சிங் கல்லூரியில் படித்த 1861 பேர், அரசு ஆஸ்பத்திரி நர்சு பணிக்கு தேர்வு செய்யப்பட்டு 2011-ம் ஆண்டு பிப்ரவரி 23 மற்றும் ஏப்ரல் 24-ந் தேதிகளில் சான்றிதழ் சரிபார்ப்பு பணிகள் இரண்டு கட்டமாக நடந்தது. இதில், முதல் கட்டமாக சான்றிதழ் சரிபார்ப்பு பணியில் கலந்து கொண்ட 969 பேருக்கு பணி நியமன உத்தரவு வழங்கப்பட்டது மீதமுள்ள 892 பேருக்கு பணி நியமனம் உத்தரவு பிறப்பிக்கும் நிலையில், தமிழக சட்டசபை தேர்தல் தேதி அறிவிக்கப்பட்டு, தேர்தல் நன்னடத்தை விதி அமலுக்கு வந்தது.மறுஆய்வு இதற்கிடையில் அரசு அங்கீகாரம் பெற்ற தனியார் நர்சிங் கல்லூரிகளில் படித்தவர்களையும் அரசு ஆஸ்பத்திரி நர்சு பணிக்கு தகுதி தேர்வு நடத்தி தேர்வு செய்யலாம் என்று 2012-ம் ஆண்டு தமிழக அரசு அரசாணை வெளியிட்டுள்ளது. எனவே அரசு பிறப்பித்த இந்த அரசாணை செல்லும் என்று சென்னை ஐகோர்ட்டு பிறப்பித்த தீர்ப்பினை மறு ஆய்வு செய்யவேண்டும்.இவ்வாறு அதில் கூறப்பட்டு இருந்தது.இந்த மறு ஆய்வு மனுவை நீதிபதிகள் என்.பால்வசந்தகுமார், எம்.சத்தியநாராயணன் விசாரித்து நேற்று தீர்ப்பளித்தனர். அதில், நீதிபதிகள் கூறியிருப்பதாவது:-தள்ளுபடி ஒரு அரசு பணிக்காக, ஒருவரின் சான்றிதழ் சரிபார்க்கப்பட்டதை காரணமாக கூறி, அந்த நபர் பணி நியமனம் உரிமை கோர முடியாது என்று சுப்ரீம் கோர்ட்டு பல வழக்குகளில் தீர்ப்பு அளித்துள்ளது. இதனடிப்படையில், மனுதாரர் பணி நியமனம் கோருவதை சட்ட உரிமையாக கோர முடியாது. எனவே இந்த மறுஆய்வு மனுவை தள்ளுபடி செய்கிறோம்.இவ்வாறு நீதிபதிகள் கூறியுள்ளனர். இந்த மறு ஆய்வு மனுவை விசாரித்த நீதிபதிகள் கடந்த 7-ந் தேதி தீர்ப்பை தள்ளிவைத்தபோது, 41 நர்சிங் மாணவிகள் ஐகோர்ட்டு கட்டிடத்தில் ஏறி தற்கொலை மிரட்டல் விடுத்தது குறிப்பிடத்தக்கது ஆகும்.