அரசு கலைக் கல்லூரியில் 20 முதல் மாணவர் சேர்க்கைக் கலந்தாய்வு..

திருவண்ணாமலை அரசு கலை மற்றும் அறிவியல் கல்லூரியில் வரும் 20-ம்தேதி முதல் மாணவர் சேர்க்கைக்கான கலந்தாய்வு நடைபெறுகிறது.இக் கல்லூரியில் இளநிலை பட்ட வகுப்புகளுக்கான கலந்தாய்வு ஏற்கெனவே நடைபெற்று முடிந்துள்ளது.

இருப்பினும் காலியாக உள்ள இடங்களை நிரப்புவதற்கும், முதுகலை பாடப்பிரிவுகளுக்கும் இம் மாதம் 20-ம் தேதி முதல் கலந்தாய்வு மற்றும் மாணவர் சேர்க்கை நடைபெறுகிறது. அதன்படி, வரும் புதன்கிழமை (ஆகஸ்ட் 20) முதுகலையில் அனைத்து பாடப் பிரிவுகளுக்கான கலந்தாய்வும், 22-ம் தேதி எம்.பில்., அனைத்து பாடப் பிரிவுகளுக்கான நுழைவுத் தேர்வும், 25-ம் தேதி எம்.பில்., அனைத்து பாடப் பிரிவுகளுக்கான மாணவர் சேர்க்கையும் நடைபெறுகிறது. இதேபோல, 26-ம் தேதி இளங்கலை அறிவியல் பாடப் பிரிவுகளுக்கான கலந்தாய்வும், 27-ம் தேதி இளங்கலை கலைப் பாடப் பிரிவுகளுக்கான கலந்தாய்வும் நடைபெறுகிறது. விண்ணப்பித்துள்ல மாணவ-மாணவியர் உரிய நேரத்தில் கலந்தாய்வில் கலந்து கொண்டு பயன்பெறலாம் என்று கல்லூரி முதல்வர் எம்.சுப்பிரமணியன் தெரிவித்துள்ளார்.