15-அம்ச கோரிக்கையை வலியுறுத்தி ஆசிரியர்கள் கவன ஈர்ப்பு பேரணி திட்டமிட்டபடி நடத்தப்படும் மீனாட்சி சுந்தரம் தகவல்:

சென்னையில் உள்ள தலைமைச்செயலக வளாகத்தில் தமிழக ஆசிரியர் இயக்கங்களின் கூட்டு நடவடிக்கைக் குழு தலைவர் மீனாட்சி சுந்தரம், நிருபர்களிடம் நேற்று கூறியதாவது:-மத்திய அரசில் பணிபுரியும் ஆசிரியர்களுக்கு வழங்கப்படுவது போன்று தமிழகத்தில் பணிபுரியும் ஆசிரியர்களுக்கு சம்பளம் வழங்க வேண்டும். ஆசிரியர் தகுதித்தேர்வை நீக்கி விட்டு ஆசிரியர்களை பதிவு மூப்பு அடிப்படையில் நியமிக்க வேண்டும் உள்ளிட்ட 15 அம்ச கோரிக்கையை வலியுறுத்தி வரும் மார்ச் 8-ந்தேதி அனைத்து மாவட்ட தலைநகரங்களிலும் கவன ஈர்ப்பு பேரணி நடக்க உள்ளது. இதனையொட்டி சென்னை தலைமை செயலகத்தில் முதல்-அமைச்சரை சந்தித்து எங்கள் கோரிக்கையை தெரிவிக்க சென்றோம். ஆனால் அவரை சந்திக்க முடியாததால், திட்டமிட்டப்படி கவன ஈர்ப்பு பேரணி நடத்த உள்ளோம்.இவ்வாறு அவர் கூறினார்.