பிளஸ்–2 ஆங்கிலம் முதல் தாள் தேர்வில் காப்பி அடித்த 36 மாணவர்கள் பிடிபட்டனர்:

பிளஸ்–2 பொதுத்தேர்வு கடந்த 5–ந்தேதி தொடங்கியது. நேற்று ஆங்கிலம் முதல் தாள் தேர்வு நடைபெற்றது. இந்த தேர்வில் காப்பி அடித்ததாக 36 மாணவர்கள் பிடிபட்டுள்ளதாக அரசு தேர்வுகள் இயக்ககம் தெரிவித்துள்ளது. இதுதொடர்பாக அரசு தேர்வுகள் இயக்குனர் வெளியிட்டுள்ள செய்திக்குறிப்பில் கூறப்பட்டு இருப்பதாவது:–ராமநாதபுரம் மாவட்டத்தில் 3 மாணவர்கள், விருதுநகர் மாவட்டத்தில் ஒரு மாணவர், கிருஷ்ணகிரி மாவட்டத்தில் 5 மாணவர்கள், கடலூர் மாவட்டத்தில் 2 மாணவர்கள், திருவண்ணாமலை மாவட்டத்தில் ஒரு மாணவர் என பள்ளிக்கூட மாணவர்கள் 12 பேர் பிடிபட்டனர்.அதேபோல் மதுரை மாவட்டத்தில் 7 மாணவர்கள், கடலூர் மாவட்டத்தில் 12 மாணவர்கள், விழுப்புரம் மாவட்டத்தில் ஒரு மாணவர், திருவண்ணாமலை மற்றும் சென்னை மாவட்டத்தில் தலா 2 மாணவர்கள் என தனித்தேர்வர்கள் 24 பேர் பிடிபட்டனர்.ஆக மொத்தம் 36 மாணவர்கள் காப்பி அடித்ததாக பிடிபட்டுள்ளனர்.இவ்வாறு அதில் கூறப்பட்டுள்ளது.