100 ஆண்டுகளுக்கு பிறகு தஞ்சை பெரிய கோயிலில் நாளை தேரோட்டம்:

ராஜராஜசோழன் காலத்திலும், நாயக்கர் மற்றும் மராட்டிய மன்னர்கள் காலத்திலும் நடைபெற்றுவந்த தஞ்சை பெரிய கோயிலின் தேர் திருவிழா காலப்போக்கில் பல்வேறு காரணங்களால் நடக்கவில்லை. பக்தர்கள் கோரிக்கையின்படி ரூ.37 லட்சத்தில் புதிய தேர் செய்யும் பணிக்காக 2013ம் ஆண்டு செப்டம்பர் மாதம் பணிகள் தொடங்கின.  இந்த தேர் மூன்று நிலைகளில் செய்யப்பட்டுள்ளது.

இதில் 231 பொம்மைகள் இடம் பெற்றுள்ளது.  245 பித்தளை மணிகள் பொருத்தப்பட்டுள்ளது. தேருக்கான அச்சு இரண்டும் 2 டன் எடை, சக்கரங்கள் ஒவ்வொன்றும் 1 டன் எடை கொண்டது. தேரின் கூடுதல் எடை 40 டன் ஆகும். தேர் பணிகள் நிறைவு பெற்றதையொட்டி அதன் வெள்ளோட்டம் கடந்த 20ம் தேதி நடந்தது.  இந்நிலையில் 100 ஆண்டுகளுக்கு பிறகு தேரோட்டம் நாளை நடக்கிறது. தேர் முழுமையாக அலங்கரிக்கப்பட்ட பின்னர் மொத்தம் 49 அடி உயர தேர் வடம் பிடிக்கும் நிகழ்ச்சி நாளை காலை 6 மணிக்கு துவங்குகிறது. தேர்முட்டியை மாலை 4 மணிக்கு வந்தடைகிறது.நன்றி தினகரன்