கிராம பகுதி மாணவர்கள் உயர் கல்வி பெற செயல்படுத்தியுள்ள, 'வித்யாஸ்ரீ'
திட்டத்தில், இந்தாண்டு, 70 முதல் 80 ஆயிரம் மாணவர்களுக்கு சலுகை வழங்க,
இலக்கு நிர்ணயிக்கப்பட்டுள்ளது,” என, சமூக நலத்துறை அமைச்சர் ஆஞ்சநேயா
தெரிவித்தார்.
பயிற்சி வகுப்புகள்:பெஸ்ட் சொல்யூஷன், பெங்களூரு
ரோட்டரி கிளப், கனரா வங்கிகள் ஒருங்கிணைப்பில், கிராமப்புற மற்றும்
பின்தங்கிய பிரிவுகளின், 200 மாணவர்களுக்கு பயிற்சி வகுப்பு நடத்தப்பட
உள்ளது. வங்கி தேர்வுகளுக்காக ஏற்பாடு செய்யப்பட்டுள்ள, 12 மாத ஆன் - லைன்
பயிற்சி வகுப்பை, அமைச்சர் ஆஞ்சநேயா துவக்கி வைத்து பேசியதாவது:வித்யாஸ்ரீ
திட்டத்தின் கீழ், கடந்தாண்டு, 35 ஆயிரம் மாணவர்களுக்கு, இச்சலுகை
வழங்கப்பட்டது. இந்தாண்டு, 70 முதல் 80 ஆயிரம் மாணவர்களுக்கு,
இத்திட்டத்தின் பயனை அளிக்க, இலக்கு நிர்ணயிக்கப்பட்டுள்ளது.
துவக்க
கல்விவங்கிகள் விஷயத்தில், மற்ற மாநிலங்களுடன் ஒப்பிட்டால், கர்நாடகா
மாநிலத்தினரின் பங்கு மிகவும் குறைவாக உள்ளது. குறிப்பாக, கிராமப்பகுதி
மக்கள் இத்துறையில், மிகவும் குறைவு. அதற்கு, நம்மிடம் உள்ள கல்வி
பாரபட்சமும் கூட ஒரு காரணம்.
நகர் பகுதிகளில் துவக்க கல்வியிலிருந்தே
ஆங்கில மொழி கற்பிக்கின்றனர். ஆனால், அரசு பள்ளிகளில், ஐந்தாம்
வகுப்பிலிருந்து ஆங்கிலம் கற்றுத்தரப்படுகிறது. பெரும்பாலான போட்டி நிறைந்த
தேர்வுகளுக்கு, ஆங்கில மொழி அறிவு அவசியம். இதனால், கிராமத்தினர், நகர்
பகுதி மாணவர்களுக்கு போட்டி போட முடிவதில்லை.அரசும் கூட, ஐ.ஏ.எஸ்., -
கே.ஏ.எஸ்., போன்ற போட்டி நிறைந்த தேர்வுகளுக்காக, ஏழை மாணவர்களுக்கு
பயிற்சி அளிக்கிறது. அப்படி இருந்தும், பெரும்பாலான மாணவர்கள், போட்டி
நிறைந்த தேர்வுகளில் வெற்றி பெறுவதில்லை.
வாழ்க்கையில் கஷ்டத்தை உணர்ந்து, மாணவர்கள் கல்வி கற்க வேண்டும். உயர் பதவிக்கான கனவு கண்டு, அதற்காக முயற்சிக்க வேண்டும்.
இவ்வாறு, அவர் கூறினார்.
