ஓய்வூதியதாரர்களுக்கு அகவிலைப்படி உயர்வு தமிழக அரசு உத்தரவு:

தமிழக அரசின் நிதித்துறை செயலாளர் க.சண்முகம் நேற்று பிறப்பித்த உத்தரவில் கூறியிருப்பதாவது:–

ஓய்வூதியதாரர்கள், குடும்ப ஓய்வூதியதாரர்களுக்கு கடந்த ஜனவரி 1–ந் தேதி முதல் 6 சதவீதம் அகவிலைப்படி வழங்கப்படும். இந்த அகவிலைப்படி 107 சதவீதத்தில் இருந்து 113 சதவீதமாக அதிகரித்து உள்ளது. அகவிலைப்படி உயர்வு ஜனவரி 1–ந்தேதி முதல் கணக்கிடப்பட்டு ரொக்கமாக வழங்கப்படும்.

அகவிலைப்படி உயர்வை அளிக்க முதன்மை மாநிலக் கணக்காய்வு தலைவரிடம் இருந்து முறைப்படியான அனுமதி பெறும் வரை காத்திருக்க வேண்டாம். சென்னையில் உள்ள ஓய்வூதியம் வழங்கும் அதிகாரி, கருவூல அதிகாரிகள், சம்பந்தப்பட்ட பொதுத்துறை வங்கிகள் உடனடியாக திருத்திய அகவிலைப்படியை வழங்கலாம்.
G.O.NO.128 DATED 27.4.2015: 6% DA RAISED TO PENSIONERS AND FAMILY PENSIONERS:
G.O.NO.128 DATED 27.4.2015: 6% DA RAISED TO PENSIONERS AND FAMILY PENSIONERS CLICK HERE TO DOWNLOAD....

அகவிலைப்படி உயர்வு பல்வேறு தரப்பினருக்கும் பொருந்தும். அதன்படி, அரசு ஓய்வூதியதாரர்கள், அரசு உதவி பெறும், உள்ளாட்சி மன்ற கல்வி நிறுவனங்களின் ஓய்வூதியம் பெறும் ஆசிரியர்கள், உள்ளாட்சி மன்றங்களின் ஓய்வூதியதாரர்கள், குடும்ப ஓய்வூதியதாரர்கள், தமிழ்நாடு சிறப்பு ஓய்வூதிய விதிகளின் கீழ், சிறப்பு ஓய்வூதியம், கருணைப்படி பெறும் ஓய்வூதியதாரர்கள் ஆகியோர் அடங்குவார்கள்.

இவ்வாறு உத்தரவில் கூறப்பட்டுள்ளது.