பி.இ. கலந்தாய்வு: 76 ஆயிரம் பேர் சேர்க்கை:

பொறியியல் பொதுப் பிரிவு கலந்தாய்வில் இதுவரை 76 ஆயிரம் பேர் சேர்க்கை பெற்றுள்ளனர்.கலந்தாய்வு தொடங்கி 22 நாள்கள் முடிந்த நிலையில் 30 ஆயிரம் பேர் கலந்தாய்வில் பங்கேற்பதைத் தவிர்த்துள்ளனர். அண்ணா பல்கலைக்கழகத்தில் பொறியியல் பொதுப் பிரிவு கலந்தாய்வு ஜூலை 1-ஆம் தேதி தொடங்கியது. கலந்தாய்வில் பங்கேற்க புதன்கிழமை வரை மொத்தம் 1,07,005 பேர் அழைக்கப்பட்டிருந்தனர்.இவர்களில் 76,351 பேர் இடங்களைத் தேர்வு செய்துள்ளனர். 30,259 பேர் பங்கேற்கவில்லை. 395 பேர் கலந்தாய்வில் பங்கேற்றபோதும், இடங்களைத் தேர்வு செய்வதைத் தவிர்த்துவிட்டனர்.இப்போது 1 லட்சத்து 16 ஆயிரத்து 742 பொறியியல் இடங்கள் காலியாகஉள்ளன.இடங்களைத் தேர்வு செய்தவர்களில் 38,393 மாணவ, மாணவிகள் முதல் தலைமுறை பட்டதாரிகள் என்பது குறிப்பிடத்தக்கது.