இந்திய முறை மருத்துவப் படிப்புகளுக்கான கலந்தாய்வு புதன்கிழமை நிறைவு
பெறுகிறது. மூன்றாம் நாளான செவ்வாய்க்கிழமை நடைபெற்ற கலந்தாய்வின் முடிவில்
79 காலியிடங்கள் ஏற்பட்டுள்ளன.
சித்தா, ஆயுர்வேதம், யுனானி, ஹோமியோபதி, யோகா- இயற்கை மருத்துவம் ஆகிய இந்திய முறை படிப்புகளுக்கான முதல்கட்ட கலந்தாய்வு சென்னை அரும்பாக்கத்தில் உள்ள இந்திய மருத்துவமுறை- ஹோமியோபதி ஆணையர் அலுவலக வளாகத்தில் அக்டோபர் 25-ஆம் தேதி முதல் நடைபெற்று வருகிறது.
அரசு மருத்துவக் கல்லூரிகளில் 356, சுயநிதி கல்லூரிகளில்
அரசு ஒதுக்கீட்டு இடங்கள் 743 என மொத்தம் 1,099 இடங்களுக்கு கலந்தாய்வு
நடைபெற்று வருகிறது. 79 காலியிடங்கள்: மூன்றாம் நாளான செவ்வாய்க்கிழமை
நடைபெற்ற கலந்தாய்வுக்கு 1,562 பேர் அழைக்கப்பட்டிருந்தனர். 559 பேர்
பங்கேற்றனர். முடிவில் அரசு கல்லூரிகளில் காலியாக இருந்த 14 இடங்களும்
நிரம்பின. மேலும் சுயநிதிக் கல்லூரிகளில் அரசு ஒதுக்கீட்டு இடங்கள் 376 என
மொத்தம் 390 இடங்கள் நிரம்பின. சித்தா, ஆயுர்வேதம், யுனானி, ஹோமியோபதி, யோகா- இயற்கை மருத்துவம் ஆகிய இந்திய முறை படிப்புகளுக்கான முதல்கட்ட கலந்தாய்வு சென்னை அரும்பாக்கத்தில் உள்ள இந்திய மருத்துவமுறை- ஹோமியோபதி ஆணையர் அலுவலக வளாகத்தில் அக்டோபர் 25-ஆம் தேதி முதல் நடைபெற்று வருகிறது.
முடிவில் சுயநிதிக் கல்லூரிகளில் 79 அரசு ஒதுக்கீட்டு இடங்கள் காலியாக உள்ளன. இவற்றுக்கு புதன்கிழமை கலந்தாய்வு நடைபெறும்.
கலந்தாய்வு இன்று நிறைவு: இறுதி நாளான புதன்கிழமை கட்-ஆஃப் மதிப்பெண் 153.75 முதல் 100 வரை பெற்றவர்கள் கலந்தாய்வுக்கு அழைக்கப்பட்டுள்ளனர். மொத்தம் 1,502 பேருக்கு கலந்தாய்வில் பங்கேற்க அழைப்புக் கடிதம் அனுப்பப்பட்டுள்ளது என தேர்வுக் குழு அதிகாரிகள் தெரிவித்தனர்.
