டெங்கு சிகிச்சை: அரசு மருத்துவமனைகளில் இன்று முதல் ஆடாதொடை மணப்பாகு:

டெங்கு உள்ளிட்ட காய்ச்சல் பாதிப்புகளுக்கான சித்த மருத்துவ மருந்தான ஆடாதொடை மணப்பாகு வெள்ளிக்கிழமை முதல் அனைத்து அரசு மருத்துவமனைகளிலும் வழங்கப்படும் என்று தமிழ்நாடு சித்த மருத்துவர் அலுவலர் சங்கத்தின் தலைவர் பிச்சையாகுமார் கூறினார்.இது குறித்து அவர் சென்னையில் செய்தியாளர்களிடம் வியாழக்கிழமை கூறியது:காய்ச்சல், டெங்கு உள்ளிட்ட பாதிப்புகளுக்கு ஆடாதொடை மணப்பாகு என்ற மருந்தையும் பரிந்துரைக்கிறோம். இந்த மருந்தானது சளி, காய்ச்சல் போன்ற பாதிப்புகளுக்கும், இந்த நோய்கள் தீவிரமடையும் பட்சத்தில் உள் உறுப்புகளில் ரத்தக்கசிவுக்கும் ஏற்றது.5 வயதுக்குள்பட்ட குழந்தைகளுக்கு 2.5 - 5 மி.லி, 12 வயதுக்குள்பட்ட குழந்தைகளுக்கு 5- 10 மி.லி, பெரியவர்களுக்கு 10- 20 மி.லி. அளவும் வழங்க வேண்டும். சித்த மருத்துவர்களின் ஆலோசனைப்படியே இந்த மருந்தை வழங்க வேண்டும். இந்த மருந்தானது வெள்ளிக்கிழமை முதல் அனைத்து அரசு மருத்துவமனைகளிலும் இந்த மருந்து இலவசமாகக் கிடைக்கும் என்று அவர் தெரிவித்தார்.