பெட்ரோல் விலை லிட்டருக்கு 52 காசு, டீசல் 49 காசு குறைந்தது நள்ளிரவு முதல் அமல்:
சென்னையில் பெட்ரோல் விலை லிட்டருக்கு 52 காசுகளும், டீசல் 49 காசுகளும் நள்ளிரவு முதல் குறைந்தது.
பெட்ரோல் விலை குறைப்பு
சர்வதேச கச்சா எண்ணெய் விலை மற்றும் அமெரிக்க டாலருக்கு நிகரான
இந்திய ரூபாயின் மதிப்பு ஆகியவற்றின் அடிப்படையில் எண்ணெய் நிறுவனங்கள் 15
நாட்களுக்கு ஒரு முறை பெட்ரோல், டீசல் விலைகளை மாற்றி அமைத்து வருகின்றன.
அதன்படி
நேற்று இரவு பெட்ரோல், டீசல் விலைகள் அறிவிக்கப்பட்டது. டெல்லியில்
பெட்ரோல் லிட்டருக்கு 50 காசுகளும், டீசல் லிட்டருக்கு 46 காசுகளும்
குறைக்கப்படுவதாக எண்ணெய் நிறுவனங்கள் அறிவித்தன. மதிப்பு கூட்டு வரி
அடிப்படையில் இந்த விலை மாற்றம் மாநிலங்களுக்கு ஏற்ப மாறுபடும்.
சென்னையில் 52 காசுகள் குறைந்தது
முக்கிய நகரங்களில் பெட்ரோல், டீசல் விலை மாற்றம் வருமாறு:–
டெல்லியில்
ஒரு லிட்டர் பெட்ரோல் ரூ.60.48–ல் இருந்து 50 காசுகள் குறைந்து ரூ.59.98
ஆனது. டீசல் ஒரு லிட்டர் ரூ.46.55–ல் இருந்து 46 காசுகள் குறைந்து ரூ.46.09
ஆனது.
சென்னையில் ஒரு லிட்டர் பெட்ரோல் ரூ.60.80–ல் இருந்து 52
காசுகள் குறைந்து ரூ.60.28 ஆனது. டீசல் ஒரு லிட்டர் ரூ.47.77–ல் இருந்து 49
காசுகள் குறைந்து ரூ.47.28 ஆனது.
நள்ளிரவு அமல்
கொல்கத்தாவில் பெட்ரோல் விலை லிட்டருக்கு 40 காசுகள் குறைந்து
ரூ.65.53 ஆகவும், டீசல் லிட்டருக்கு 40 காசுகள் குறைந்து ரூ.49.70 ஆகவும்
ஆனது.
மும்பையில் பெட்ரோல் விலை லிட்டருக்கு 51 காசுகள் குறைந்து
ரூ.67.04 ஆகவும், டீசல் லிட்டருக்கு 50 காசுகள் குறைந்து ரூ.53.28 ஆகவும்
ஆனது.
இந்த விலை குறைப்பு நேற்று நள்ளிரவு முதல் அமலுக்கு வந்தது.
