ஜம்மு காஷ்மீர் மாநிலத்தில் படிம எரிபொருள் என்றால் என்ன? என்ற
கேள்விக்கு பதில் தெரியாமல் மிகவும் அதிகமான பட்டப்படிப்பு படித்த
ஆசிரியர்கள் திகைத்து உள்ளனர்.
ஜம்மு காஷ்மீர்
மாநிலம் உதாம்பூர் மாவட்டத்தில் துணை கமிஷனர் பள்ளிகள் கல்வி தணிக்கையில்
ஈடுபட்டு உள்ளார். அரசு பள்ளிகளில் மாணவர்கள் மற்றும் ஆசிரியர்களின் தரம்
குறித்து ஆய்வு செய்து உள்ளார். அப்போது, படிம எரிபொருள் என்றால் என்ன?
என்று கேள்வி எழுப்பிஉள்ளார். சுமார் இரண்டு அரசு பள்ளிகளில்
இக்கேள்வியானது எழுப்பட்டு உள்ளது. அவருடைய கேள்விகளுக்கு பதில் தெரியாமல்
மிகவும் அதிகமான பட்டப்படிப்பு படித்த 17 ஆசிரியர்கள் திகைத்து உள்ளனர்
என்று தெரிவிக்கப்பட்டு உள்ளது.
இதற்கிடையே உயிரியல் ஆசியர்கள் செரிமான அமைப்பின் பாகங்களின் பெயர்கள் தெரியாமல், மவுனமாக நின்று உள்ளனர்.
துணை
கமிஷ்னர் ஷாகித் இக்பால் சவுத்ரி பேசுகையில், “நகரில் உள்ள அரசு மேல்நிலை
பள்ளி மாணவர்களிடம் படிம எரிபொருள் என்றால் என்ன? என்று கேள்வி
எழுப்பினேன், அவர்கள் பதில் தெரிவிக்கவில்லை. பின்னர் அதே கேள்வியை
அவர்களின் ஆசிரியர்களிடம் கேட்டேன். அறிவியல் மற்றும் கற்பித்தலில் மாஸ்டர்
டிகிரி படித்த அவர்களுடைய அறிவியல் ஆசிரியரிடம் கேட்டேன். அவர் பதில்
அளிக்கையில், வீட்டை விட்டு வெளியே தூக்கி எறியப்படும் தேவையில்லாத
பொருட்கள் என்று பதில் கொடுத்தார்.
என்னால் எழுப்பட்ட கேள்விகளுக்கு 17 ஆசிரியர்களால் திருப்திகரமான பதிலானது அளிக்கப்படவில்லை என்று கூறிஉள்ளார்.
“பள்ளியில்
10 வகுப்பு மாணவர்களுக்கு உயிரியல் பாடம் நடத்தும் அறிவியல் ஆசிரியரிடம்,
செரிமான அமைப்பின் பாகங்களின் பெயர்கள் கூறவும்? என்று கேள்வி எழுப்பினேன்.
ஆனால் அவர் ஒரு பாகம் கூட தெரிவிக்கவில்லை.” என்று வேதனையுடன் பதிவு
செய்தார். ”பள்ளிகளில் கற்பித்தல் நிலை குறித்து ஆய்வு செய்தேன். நகராட்சி
அரசு மேல்நிலை பள்ளி மற்றும் பெண்கள் மேல்நிலை பள்ளியில் முக்கியமான
குறைபாடுகள் இருப்பது கண்டுபிடிக்கப்பட்டது, முதல்கட்ட நடவடிக்கை
எடுக்கப்படுகிறது,”
அரசு மேல்நிலை பள்ளியில்
மொத்த மாணவர்களின் எண்ணிக்கை 193 ஆகும். ஆசிரியர்கள் 17 பேர் ஆவர்கள்.
ஆசிரியர்கள் இளநிலை மற்றும் முதுகலை பட்டப்படிப்பு படித்தவர்கள். மாணவர்கள்
அவர்களுடைய பாட புத்தகத்தில் உள்ள அடிப்படை கேள்விக்கு கூட பதில்
தெரியவில்லை என்பதே படுமோசமான நிலையை காட்டுகிறது. ஆசிரியர்களுக்கு
அவர்களுடைய பாடம் தொடர்பாக அடிப்படை அறிவு கூட கிடையாது, அவர்களுக்கு
அடிப்படை ஆங்கிலம், அறிவியல் மற்றும் கணக்கு தெரியவில்லை.
பெண்கள்
மேல்நிலை பள்ளில் மொத்த மாணவர்களின் எண்ணிக்கை 86 ஆகும், அங்கு 18
ஆசிரியர்கள் பணியாற்றி வருகின்றனர். அங்கும் கல்வி பயிலுதல் மற்றும்
கற்பித்தல் நிலையானது சராசரிக்கு கீழே உள்ளது. இவ்விவகாரம் தொடர்பாக, மாநில
கல்வித்துறை கடும் நடவடிக்கை எடுக்கவும் கேட்டுக் கொண்டு உள்ளார்.
பள்ளிகளில் ஆசிரியர்களின் செயல்பாடானது மிகவும் மோசமாக உள்ளது, இவர்கள்
மாணவர்களுக்கு பாடம் நடத்துகின்றனர் என்பதை கேட்டதும் நான் மிகவும்
அதிர்ச்சி அடைந்தேன் என்றும் சவுத்ரி கூறிஉள்ளார்.
