வடகிழக்கு மாநிலங்களில் பலத்த மழை, வெள்ளம்:

நாட்டின் பல்வேறு பகுதிகளில், கோடை வெயில் வறுத்தெடுக்கும் நிலையில், அசாம், அருணாச்சலப் பிரதேசம் உள்ளிட்ட வடகிழக்கு மாநிலங்களில் கடும் மழை, வெள்ளம் ஏற்பட்டுள்ளது.அசாமில், ஆறு மாவட்டங்களில், ஒரு லட்சம் பேர் இந்த மழை வெள்ளத்தால் பாதிக்கப்பட்டுள்ளனர்; 5,000 ஹெக்டேர் பயிர்கள் சேதமடைந்தன.
அசாம் உள்ளிட்ட வடகிழக்கு மாநிலங்களில், கடந்த சில நாட்களாக பலத்த மழை பெய்து வருகி றது. இதனால் ஆறுகள், ஏரிகள் நிரம்பியதால், வெள்ளப் பெருக்கு ஏற்பட்டுள்ளது. மீட்புப் பணியில், ராணுவம், தேசிய பேரிடர் மீட்புக் குழு, மாநில பேரிடர் மீட்புக் குழு ஈடுபடுத்தப்பட்டுள்ளன. அசாமின் ஆறு மாவட்டங்களில் மழை வெள்ளத்தால், ஒரு லட்சம் பேர் பாதிக்கப்பட்டுள்ளனர். பர்ஹி திஹிங், தேசாங் நாக்லமுரகா நதிகளில் அபாய கட்டத்தை தாண்டி வெள்ளம், பெருக்கெடுத்து ஓடுகிறது.

பல்வேறு இடங்களில் நிலச்சரிவு ஏற்பட்டுள்ளதால், ரயில் மற்றும் சாலை போக்குவரத்து பாதிக்கப்பட்டுள்ளது. அருணாச்சலப் பிரதேசத்தில் ஏற்பட்ட மழை வெள்ளத்தால், நுாற்றுக்கணக்கானோர் வீடுகளை இழந்தனர்; ஆயிரக்கணக்கானோர் பாதிக்கப்பட்டுள்ளனர்.