சென்னை:'அரசு ஊழியர்கள் அகவிலைப்படி உயர்வு, ஈட்டிய விடுப்பு ஒப்படைப்பு
மறுப்பு ஆகியவற்றை, நிறுத்தி வைத்திருப்பது ஏற்புடையதல்ல' என, அ.ம.மு.க.,
பொதுச்செயலர், தினகரன் தெரிவித்துள்ளார்.
'டுவிட்டர்' பக்கத்தில்,
அவர் கூறியிருப்பதாவது: நெருக்கடியான நேரத்தில், களத்தில் நின்று,
அர்ப்பணிப்பு உணர்வுடன் பணியாற்றும், அரசு ஊழியர்களின் அகவிலைப்படி உயர்வு,
ஈட்டிய விடுப்பு ஒப்படைப்பு மறுப்பு ஆகியவற்றை நிறுத்தி வைத்திருப்பது
ஏற்புடையதல்ல. மேலும், அவர்களின் வருங்கால வைப்பு நிதிக்கு வழங்கப்படும்,
வட்டியை
குறைத்திருப்பதும் சரியானதல்ல. தங்கள் குழந்தைகளின் கல்வி, திருமணம்
போன்றவற்றுக்காக, இந்த பணத்தை நம்பியிருக்கும் ஊழியர்கள், அரசின் முடிவால்
பாதிக்கப்படுவர். தேவையற்ற செலவினங்களை கட்டுப்படுத்துவதை விட்டு விட்டு,
அரசு இயந்திரத்திற்கு அச்சாணியாக இருப்பவர்கள் தலையில், நிதி நெருக்கடியை
சுமத்துவது, எப்படி சரியானதாக இருக்கும்? இவ்வாறு, தினகரன் கூறியுள்ளார்.
