மாவட்ட முதன்மைக் கல்வி அலுவலர் அவர்கள் அறிவுறுத்தளின்படி தற்பொழுது வடகிழக்குப் பருவமழை ஆரம்பித்துள்ள காரணத்தினால் தங்கள் பள்ளிகளில் உள்ள கட்டிடங்கள் மற்றும் சுற்றுச்சுவர்கள் ஆகியவற்றை கவனித்து முறையாகப் பராமரிக்கப்பட வேண்டும்.
பள்ளி வளாகத்தினுள் மழைநீர் தேங்காத வண்ணம் பாதுகாக்கப்படவேண்டும். அதேபோல நீர்த்தேக்கத் தொட்டிகள், குடிநீர் தொட்டிகள் மற்றும் கழிவறையில் பயன்படுத்தப்படும் தொட்டிகள் ஆகியவற்றை நன்கு சுத்தப்படுத்தி மூடிவைத்துப் பராமரிக்கப்பட வேண்டும். பயன்படுத்தப்படாத தொட்டிகள் இருப்பின் அவற்றையும் சுத்தப்படுத்தி மூடி வைக்கப்படவேண்டும். எக்காரணம் கொண்டும் அசுத்தமாக இருக்கக்கூடாது. அவற்றினுள் கொசுக்கள் அல்லது புழுக்கள் ( லார்வா) இல்லாத வண்ணம் சுத்தப்படுத்தி தூய்மையான சுகாதாரச் சூழலை ஏற்படுத்தப்படவேண்டும் என அறிவுறுத்தப்படுகிறது.
வகுப்பறையின் சுவர்களில் நீர்க்கசிவு இல்லாதவாறு பார்த்துக்கொள்ள வேண்டும். ஏனெனில் மழைக் காலமாதலால் மின்கசிவு ஏற்பட்டு அதனால் பாதிப்பு ஏற்பட வாய்ப்பு உள்ளது. எனவே இம் மழைக்காலத்தில் பள்ளி வளாகத்தையும் வகுப்பறை மேற்கூரைகளையும் நீர்த்தேக்கத் தொட்டிகளையும் சுத்தமாக வைத்திருக்க வேண்டும். அதோடு என்றெல்லாம் இவைகள் பராமரிக்கப்பட்டது என்பதை பதிவேடுகளில் குறிக்கப்பட்டு உயரதிகாரிகள் பள்ளியைப் பார்வையிடும்போது அவர்களிடம் பார்வைப்படுத்தப்பட வேண்டும் என்று கேட்டுக்கொள்ளப்படுகிறார்கள்.
தூய்மைப்படுத்தும் பணியினை புகைப்படம் எடுத்து அவற்றை தலைமையாசிரியர் WhatsApp group யில் பதிவிடுமாறும் கேட்டுக் கொள்ளப்படுகிறார்கள்.
மேலும் அனைத்து வட்டாரக் கல்வி அலுவலர்களும் தங்கள் ஒன்றியங்களில் உள்ள தலைமையாசிரியர்களுக்கு தெரிவித்து உரிய நடவடிக்கை மேற்கொள்ள வேண்டும் என அறிவுறுத்தக் கேட்டுக் கொள்ளப்படுகிறார்கள்.
மாவட்டக் கல்வி அலுவலர்,
இராணிப்பேட்டை.
