இன்றைய கால கட்டத்தில் மன அழுத்தம்இல்லாமல் வாழ்வது எல்லாம் நிச்சயமாக சாத்தியமற்றது தான்.
இருப்பினும், குறைவான மன அழுத்தத்துடன் வாழ முடியும். இந்த பொன்விதிகளை அடிக்கடி நினைத்து கொள்ளுங்கள்.
- எல்லாமே தற்காலிகம் தான். எதுவும் நிலையானதல்ல. மாற்ற முடியாததற்கு உருண்டு பிரள்வதால் எந்த லாபமும் இல்லை. நேற்றைய மன நிலை இன்று இல்லை. இன்றைய மன நிலை நாளை இருக்காது. எதையும் பிடித்து வைக்க முடியாது. வீழ்வது வீழும். முளைப்பது முளைக்கும். நமக்கு வர வேண்டியது வந்தே தீரும்.
- நீங்கள் எடுப்பது எல்லாமே நல்ல முடிவு தான். விளைவுகள் எதுவாக இருந்தாலும், நீங்கள் செல்ல வேண்டிய இடத்திற்கு சென்று கொண்டு தான் இருக்கிறீர்கள். உங்களுக்கு வரவேண்டிய விஷயங்கள் வந்து கொண்டு தான் இருக்கின்றன. இனிமேலும் அப்படித்தான் நடக்கும்.
இன்றைய தினம் இந்த கணம் மிக மிக கடினமாக இருக்கிறதா? டோன்ட் வொர்ரி. இதை விட கடினமான பாதைகளை நீங்கள் கடந்து வந்திருக்கிறீர்கள். எப்படி வந்தீர்கள் என்று தெரியாது! ஆனால் மீண்டு விட்டீர்கள். அதை நினைத்து பார்த்தீர்களா? இன்மேலும் அப்படி தான் மீள்வீர்கள். கடினமான நேரம் என்று எதவும் கிடையாது. வாழ்க்கை ஓடிக்கொண்டே இருக்கிறது. மாறிக்கொண்டே இருக்கிறது.
- இறைவனே. மாற்றக்கூடியதை மாற்றும் சக்தியும், மாற்ற இயலாதவற்றை ஏற்கும் சக்தியும் எனக்கு கொடு என்று பிரார்த்தியுங்கள். மாற்றங்கள் வளர்ச்சிக்கானவை. வளர்ச்சி வாழ்க்கைக்கு அவசியம்.
- ஒவ்வொரு வினாடியும் இந்த பிரபஞ்சம் நகர்ந்து கொண்டிருக்கிறது. பிரபஞ்சத்தில் ஒரு தூசான நீங்களும் அதற்குள் அடக்கம். நமக்கு வரும் துன்பங்கள் நமக்கு மட்டுமே வருவன அல்ல. பலரில் நீங்களும் ஒருவர். பிரபஞ்சம் எப்போதும் பரிசளித்துக் கொண்டே இருக்கிறது. அது இன்னதென அறிந்து கொண்டு நன்றி செலுத்துவான மூலம் ஒவ்வொரு கணமும் வாழ்வை இனிமையாக்க முடியும்.
பகிர்வு
