குளிர்காலத்தில் வாட்டி எடுக்கும் மூக்கடைப்பு போக வீட்டில் செய்யக்கூடிய எளிய பாட்டி வைத்தியம்!!!

குளிர்கால மாதங்களில் நிறைய பேர் அனுபவிக்கும் ஒரு பொதுவான உடல்நல சிக்கல் மூக்கடைப்பு ஆகும். இது சளி, காய்ச்சல் அல்லது சைனஸ் காரணமாகவும் ஏற்படலாம். இது வழக்கமாக தானாகவே சரியாகிவிடும். ஆனால் ஒரு சில நேரங்களில் ​​அது பல நாட்கள் நீடிக்கும் போது அது நமக்கு மிகவும் சங்கடமாக இருக்கும். ஆனால், தற்காலிக நடவடிக்கைகள் மற்றும் ஓடிசி மருந்துகளை நம்புவதற்கு பதிலாக, ஆயுர்வேத அடிப்படையிலான தீர்வுகளைத் தேடுவது சிறந்தது. சில ஆயுர்வேத மூலிகைகளை பயன்படுத்தி இதற்கான ஒரு தீர்வை பார்க்கலாம்.

தேவையான பொருட்கள்:

500 மில்லி – நீர்

2 தேக்கரண்டி – ஓமம் விதைகள்

4-5 – துளசி இலைகள்

1 தேக்கரண்டி – மஞ்சள்

ஒரு கைப்பிடி அளவு – புதினா இலைகள்

முறை:

முதலில் ஒரு பாத்திரத்தில் 1/2 லிட்டர் தண்ணீரை கொதிக்க வைக்கவும். அனைத்து பொருட்களையும் கொதிக்கும் நீரில் சேர்க்கவும். மீண்டும் 10-20 நிமிடங்கள் கொதிக்க வைக்கவும்.

இதை எவ்வாறு பயன்படுத்துவது?

நாம் சேர்த்த பொருட்கள் அனைத்தும் கொதிக்கும் நீரில் கலந்தவுடன், அதை அடுப்பிலிருந்து இறக்கி வைத்து அதிலிருந்து வரும் நீராவியை 10 நிமிடங்கள் உள்ளிழுக்கவும். ஒரு நாளைக்கு குறைந்தது இரண்டு-மூன்று முறையாவது இதனை செய்யுங்கள். உங்கள் மூக்கடைப்பு விரைவில் மறைந்துவிடும் கூடுதலாக, நீராவியை சுவாசித்த பிறகு நீங்கள் அந்த தண்ணீரை வடிகட்டியும் மற்றும் குடிக்கலாம்.