கல்லீரலை சுத்தப்படுத்தும் இயற்கையான ஐந்து உணவுகள்.

கல்லீரல் மனித உடலின் மிக முக்கியமான உறுப்புகளில் ஒன்று. நம் உடல் சீராக இயங்க தேவையான ஐநூறுக்கும் மேற்பட்ட செயல்பாடுகளில் கல்லீரல் முக்கிய பங்கு வகிக்கிறது.

நாம் ஆரோக்கியமற்ற உணவுகளை உட்கொள்ளும்போது கல்லீரலில் தேவையற்ற கொழுப்புகள், நச்சுக்கள் தேங்கி பாதிப்படைய செய்கிறது. இதனால் நம் கல்லீரலை சுத்தம் செய்வது மிக அவசியம். எனவே கல்லீரலை இயற்கையாகவே சுத்தப்படுத்தும் சில உணவு வகைகளை பற்றி பார்ப்போம்.திராட்சைப்பழம் புளிப்பான திராட்சைப்பழத்தில் நார்ச்சத்து அதிகம் உள்ளது. இது குடல் நன்றாகச் செயல்பட உதவுவதோடு, கல்லீரலில் உள்ள நச்சுகளை வெளியேற்றவும் உதவுகிறது.

திராட்சையில் உள்ள 'நரின்ஜெனின் என்ற ஆன்டிஆக்ஸிடன்ட் கல்லீரல் கொழுப்பை நீக்கிறது. பீட்ரூட் இதில் உடலுக்கு தேவையான அளவு நார்ச்சத்து, மாங்கனீசு, பொட்டாசியம், வைட்டமின்கள் ஏ, சி போன்றவைகள் உள்ளன. இவை நொதிகளின் செயல்பாட்டை மேம்படுத்துகின்றன. இதனால் நச்சுக் கழிவுகள் விரைவாக உடலில் இருந்து வெளியேறுகின்றன.பூண்டு பூண்டில் உள்ள அலிசின், வைட்டமின் சி, வைட்டமின் பி6 மற்றும் செலினியம் ஆகிய சத்துக்கள் நச்சு நீக்கத்தில் முக்கிய பங்கு வகிக்கின்றன.

அலிசின் என்பது ஒரு கந்தக கலவை ஆகும். இது ஆன்டிஆக்ஸிடன்டு மற்றும் ஆன்டிபயாடிக் பண்புகளைக் கொண்டுள்ளது. செலினியம், இயற்கையாகவே நச்சு நீக்கும் கனிமம். இது ஆன்டிஆக்ஸிடன்டுகளின் செயல்பாட்டை அதிகரிப்பதன் மூலம், கல்லீரலின் செயல்பாட்டை அதிகரிக்க உதவும்.வால்நட் உடலுக்கு தேவையான அமினோ அமிலங்கள், க்ளுடோதயோன், ஒமேகா 3 கொழுப்பு அமிலம் உள்ளிட்ட சத்துக்கள் வால்நட்டில் உள்ளன.

இது கல்லீரலின் என்சைம்களை தூண்டி உணவு செரிமானமாக உதவுகிறது.முட்டை கோஸ் முட்டைகோஸ் கல்லீரலை நச்சுக்களிலிருந்து பாதுகாக்கும் வேலையை செய்கிறது. இதில் அதிக அளவு சல்பர் உள்ளது. அது கல்லீரலில் உள்ள என்சைம்களை சுரக்க ஊக்குவிக்கிறது. இதனால் கல்லீரல் பலம் பெற்று தன் வேலையை செய்யும். கல்லீரலுக்குள் செல்லும் ஆபத்து நிறைந்த நச்சுக்களை வெளியேற்றும்.