கல்விக்கடன் வட்டி ரூ.2,600 கோடி ரத்து 9 லட்சம் மாணவர்கள் பயன் அடைவார்கள் :

9 லட்சம் மாணவர்களுக்கு ரூ.2,600 கோடி கல்விக்கடன் வட்டித்தொகை ரத்து செய்யப்பட்டு, அந்த தொகையை மத்திய அரசே செலுத்தும் என்று,இடைக்கால பட்ஜெட்டில் அறிவிக்கப்பட்டு உள்ளது.கல்விக்கடனில் சலுகைமத்திய நிதி மந்திரி ப.சிதம்பரம் தாக்கல் செய்த இடைக்கால பட்ஜெட்டில், மாணவர்களுக்கு வழங்கப்பட்டு வரும் கல்விக்கடனில் புதிய சலுகையை அறிவித்து இருக்கிறார்.
அவர் கூறியதாவது-கடந்த ஆண்டு (2013) டிசம்பர் இறுதி நிலவரப்படி, பொதுத்துறை வங்கிகள் 25,70,254 மாணவர்களுக்கு கல்விக்கடன் வழங்கியுள்ளன. நிலுவையில் உள்ள கல்விக்கடன் அளவு ரூ. 57,700 கோடி ஆகும்.வட்டியை அரசே செலுத்தும்கடந்த 1-4-2009-ம் ஆண்டுக்குப்பிறகு கல்விக்கடன் பெற்ற மாணவர்களுக்கு அவர்கள் படிப்பு முடியும் வரையில், அதன்பிறகு சிறிது காலமும் வட்டித் தொகையை அரசே ஏற்கும் என்று அறிவித்து இருந்தோம். இந்த அறிவிப்பு மாணவர்கள் குடும்பத்தில் பெரிய அளவில் மகிழ்ச்சியை ஏற்படுத்தியது. இருந்தபோதிலும் 31-3-2009 முன்பு கல்விக்கடன் வாங்கியவர்களுக்கும் பின்னர் வாங்கியவர்களுக்கும் இடையே இந்த அறிவிப்பு பாரபட்சமாக அமைந்தது. முன்னதாக கடன் வாங்கியவர்கள் வட்டிச்சுமையால் அவதிப்பட்டு வந்தனர். அவர்களுக்கு நிவாரணம் வழங்க வேண்டும் என்பதற்காக 31-3-2009 வரை கல்விக்கடன் பெற்று 31-12-13 வரை பாக்கி வைத்து இருக்கும் அனைத்து கல்விக்கடன்களுக்கான வட்டியையும் அரசே செலுத்தும் என்று முடிவு எடுத்து அறிவிக்கப்பட்டு உள்ளது.ரூ.2,600 கோடி ஒதுக்கீடுஇதற்காக ரூ.2,600 கோடி ஒதுக்கீடு செய்யப்படுகிறது. இதன்மூலம் 9 லட்சம் மாணவர்கள் பயன்பெறுவார்கள்.ஆனால், 2014 ஜனவரி 1-ந்தேதியிலிருந்து அவர்கள் வட்டி செலுத்த வேண்டும். அதேபோல் கடனாக பெற்ற அசல் தொகையை திரும்பச்செலுத்துவதில் எந்த மாற்றமும் இல்லை”.இவ்வாறு ப.சிதம்பரம் கூறினார்.