விழுப்புரம் மாவட்டத்தில் RMSAமூலம் 10 வகுப்பு கணிதம் போதிக்கும் ஆசிரியர்களுக்கு, மெல்ல கற்கும் மாணவர்களை தேர்ச்சி பெற செய்வதற்கான 2நாள் பயிற்சி-மாவட்ட முதன்மைக் கல்வி அலுவலர் திரு.சா.மார்ஸ் அவர்கள் ஆசிரியர்களுக்கு அறிவுரை-அரசு ஆண்கள் மேல்நிலைப் பள்ளி சங்கராபுரம்:

விழுப்புரம் மாவட்டத்தை 10வகுப்பு மற்றும் 12ஆம் வகுப்பு தேர்ச்சி விழுக்காட்டை உயர்த்தும் பொருட்டு மாவட்ட முதன்மைக் கல்வி அலுவலர் திரு.சா.மார்ஸ் அவர்கள் பல்வேறு முயற்சிகளை செய்து வருகின்றார்.அவற்றுள் ஒன்றாக மெல்ல கற்கும் மாணவர்களை 100%தேர்ச்சி பெற வேண்டும் என்ற இலக்கோடு ஆசிரியர்களுக்கு பணி இடைப்பயிற்சி நடைபெற்று வருகிறது.அதுசயம் 05.11.2014 மற்றும் 06.11.2014 இரண்டு நாட்கள் கணித பயிற்சி மாவட்டத்தில் 8 மையங்களில் நடைபெற்றது.இதில் சங்கராபுரம் மற்றும் சின்னசேலம் பகுதி ஆசிரியர்களுக்கு, சங்கராபுரம் அரசு ஆண்கள் மேல்நிலைப் பள்ளியில் பயிற்சி நடைபெற்றது.பயிற்சிக்கு பள்ளியின் தலைமை ஆசிரியர் திரு.N.சுந்தரபாண்டியன் அவர்கள் தலைமை ஏற்று நடத்தினர். மற்றும் தெங்கியாநத்தம் அரசு உயர்நிலைப் பள்ளியின் தலைமை ஆசிரியர் திரு.கா.மணி அவர்கள் மற்றும் தேவபாண்டலம் அரசு ஆண்கள் மேல்நிலைப் பள்ளியின் தலைமை ஆசிரியர் திரு.K.மாரிமுத்து அவர்கள் ஆகிய இருவரும் கணித ஆசிரியர்களுக்கு தேவையான வகுப்பறை மேலாண்மை மற்றும் மெல்ல கற்கும் மாணவர்களை உளவியல் ரீதியாக எவ்வாறு கணிதம் கற்பிப்பது என்ற தலைப்பில் கருத்தாளர்களாக கலந்து கொண்டனர்.மற்றும் மெல்ல கற்கும் மாணவர்களுக்கு எவ்வாறு 100%தேர்ச்சி பெற செவது என்பதை போதிக்க இரண்டு கருத்தாளர்கள் நியமிக்கப்பட்டனர்.முதல் நாள் நிகழ்வில் மாவட்ட முதன்மைக் கல்வி அலுவலர் திரு.சா.மார்ஸ் அவர்கள் வருகை புரிந்து மெல்ல கற்கும் மாணவர்களை 100% தேர்ச்சி பெற செய்து, விழுப்புரம் மாவட்டத்தை உயர்த்தும் பொருட்டு ஆசிரியர்களுக்கு பல விதமான அறிவுரைகளை வழங்கி சிறப்பித்தார்.கண்டிப்பாக இந்த ஆண்டு விழுப்புரம் மாவட்டம் 100% தேர்ச்சி பெற கல்விக்குரலின் மனமார்ந்த வாழ்த்துக்கள்.