திருச்சியில் முதுநிலை பட்டதாரி ஆசிரியர்களுக்கான கலந்தாய்வில் 64 பேர் பங்கேற்பு:

முதுநிலை பட்டதாரி ஆசிரியர்களுக்கான தேர்வில் தேர்ச்சி பெற்றவர்களுக்கு பணியிடங்களுக்கான கலந்தாய்வு ஆன்லைன் மூலம் தமிழகம் முழுவதும் அந்தந்த மாவட்டத்தில் உள்ள முதன்மை கல்வி அலுவலகத்தில் நேற்று நடந்தது. திருச்சி மாவட்டத்தில் மாவட்ட முதன்மை கல்வி அலுவலகத்தில் ஆன் லைன் மூலம் நடத்தப்பட்ட இந்த கலந்தாய்வில் தகுதி வாய்ந்த 64 பேர் கலந்து கொண்டனர். கலந்தாய்வுக்கான ஏற்பாடுகளை மாவட்ட முதன்மை கல்வி அலுவலர் ஆனந்தி தலைமையிலான பணியாளர்கள் செய்து இருந்தனர். கலந்தாய்வில் பங்கு பெற்றவர்களின் தரவரிசை அடிப்படையில் அவர்களுக்கு உள்மாவட்டங்களிலும், வெளி மாவட்டங்களிலும் பணியிடங்கள் ஒதுக்கப்பட்டன.