865 முதுநிலைப் பட்டதாரி ஆசிரியர்களுக்கு இடமாறுதல்:

தமிழகம் முழுவதும் 865 முதுநிலைப் பட்டதாரி ஆசிரியர்களுக்கு இடமாறுதல் சனிக்கிழமை வழங்கப்பட்டது.பள்ளிக் கல்வித் துறையின் கீழ் உள்ள ஆசிரியர்கள், தலைமையாசிரியர்களுக்கான பதவி உயர்வு, இடமாறுதல் கலந்தாய்வு ஆகஸ்ட் 12-ஆம் தேதி தொடங்கி நடைபெற்று வருகிறது. இதுவரை மேல்நிலை, உயர்நிலைப் பள்ளித் தலைமையாசிரியர்களுக்கான இடமாறுதல், பதவி உயர்வு கலந்தாய்வு முடிந்துள்ளது. இந்த நிலையில், முதுநிலைப் பட்டதாரி ஆசிரியர்களுக்கான மாவட்டத்துக்குள் இடமாறுதல் கலந்தாய்வு தமிழகம் முழுவதும் சனிக்கிழமை நடைபெற்றது. இந்தக் கலந்தாய்வில் பங்கேற்க 2 ஆயிரத்துக்கும் மேற்பட்ட ஆசிரியர்கள் விண்ணப்பித்திருந்தனர். இவர்களில் 865 பேர் தங்களுக்கான இடங்களைத் தேர்வு செய்தனர். முதுநிலைப் பட்டதாரி ஆசிரியர்களுக்கான மாவட்டம் விட்டு மாவட்டம் மாறும் கலந்தாய்வு ஞாயிற்றுக்கிழமை நடைபெற உள்ளது.