ஐ.ஐ.டி.தேர்வு: 50 பழங்குடியின மாணவர்களுக்கு இலவசப் பயிற்சி:

ஐ.ஐ.டி. போட்டித் தேர்வுகளுக்கான பயிற்சிகள் பழங்குடியின மாணவ-மாணவிகளுக்கு அளிக்கப்பட உள்ளன. இதற்காக பயிற்சி நிறுவனத்தைத் தேர்வு செய்வதற்கான பணிகளை அரசு நிறுவனமான தாட்கோ நிறுவனம் மேற்கொண்டுள்ளது.இதற்கு பல்கலைக்கழகங்கள் உள்பட அரசுத் துறை அமைப்புகள், தன்னாட்சி பெற்ற நிறுவனங்கள், பயிற்சியில் ஈடுபடும் நிறுவனங்கள் விண்ணப்பிக்கலாம். 50 மாணவ-மாணவிகளுக்கு இந்தப் பயிற்சி அளிக்கப்படுகிறது. ஒப்பந்தப் புள்ளிகள் இறுதி செய்யப்பட்டு தகுதியான நிறுவனம் தேர்ந்தெடுக்கப்பட்ட பிறகு பயிற்சிக்கு மாணவ-மாணவிகளைச் சேர்க்கும் பணிகள் தொடங்கும் என அரசுத் துறை வட்டாரங்கள் தெரிவித்தன.