அரசுப் பணி: முதுநிலை மருத்துவ மாணவர்களுக்கு 30-இல் கலந்தாய்வு:

அரசு மருத்துவமனைகளில் உள்ள காலிப்பணியிடங்களை நிரப்புவதற்கு, முதுநிலை மருத்துவ மாணவர்களுக்கான கலந்தாய்வு சென்னையில் வரும் 30-ஆம் தேதி நடைபெறவுள்ளது.அரசுப் பணியில் இருந்து கொண்டே ஏப்ரல் 2016-இல் முதுநிலை மருத்துவப் படிப்பை முடிக்கும் மாணவர்கள் இதில் பங்கேற்கலாம்.அரசுப் பணியில் இருந்து கொண்டே தனியார் மருத்துவக் கல்லூரிகளில் படிக்கும் முதுநிலை இறுதியாண்டு மாணவர்களும் கலந்தாய்வில் பங்கேற்கலாம். சென்னை கீழ்ப்பாக்கத்தில் உள்ள மருத்துவக் கல்வி இயக்ககத்தில் டிசம்பர் 30-ஆம் தேதி காலை 10 மணிக்கு கலந்தாய்வு நடைபெறும்.

கலந்தாய்வு நடைபெறும் தினத்தன்று காணப்படும் காலிப்பணியிடங்களின் அடிப்படையிலேயே பணிகள் வழங்கப்படும். முதுநிலை மருத்துவப் படிப்பில் மாணவர்கள் பயின்ற அதே துறைக்கே நியமனம் வழங்கப்படும் என மருத்துவக் கல்வி இயக்ககம் தெரிவித்துள்ளது. மேலும் விவரங்களுக்கு: www.tnhealth.org