உலகை அச்சுறுத்தி வரும், 'சைகா' வைரஸ் பாதிப்பையடுத்து, வெளிநாடுகளுக்கு
பயணம் செய்வோருக்கு, மத்திய அரசு எச்சரிக்கை அறிவிப்பை வெளியிட்டுள்ளது.
அமெரிக்கா, பிரேசில், நியூசிலாந்து உள்ளிட்ட நாடுகளில், சைகா வைரஸ், பெரும் பாதிப்பை ஏற்படுத்தி வருகிறது. இந்தியாவில், சைகா பாதிப்பு ஏற்படாமல் தடுப்பது குறித்து, சுகாதாரத்துறை அமைச்சர் பிரகாஷ் நட்டா, அதிகாரிகளுடன் ஆலோசனை நடத்தினார். அதன் பின், மத்திய அரசும், சைகா வைரஸ் குறித்த எச்சரிக்கை அறிவிப்பை வெளியிட்டுள்ளது. அதன்படி, வைரஸ் பாதிப்புள்ள, 24 நாடுகளின் பட்டியல் வெளியிடப் பட்டுள்ளது.
'கருவுற்ற பெண்கள், சைகா வைரஸ்
பாதிப்பு ஏற்பட்டுள்ள நாடுகளுக்கு செல்ல வேண்டாம்' என,
அறிவுறுத்தப்பட்டுள்ளது. பாதிப்புள்ள, நாடுகளில் இருந்து இந்தியா வருவோரை,
விமான நிலையத்திலேயே சோதனை செய்ய அறிவுறுத்தப்பட்டுள்ளது. அவர்களில்
யாருக்காவது காய்ச்சல் பாதிப்பு இருந்தால் சோதனை செய்யவும்
உத்தரவிடப்பட்டுள்ளது.அமெரிக்கா, பிரேசில், நியூசிலாந்து உள்ளிட்ட நாடுகளில், சைகா வைரஸ், பெரும் பாதிப்பை ஏற்படுத்தி வருகிறது. இந்தியாவில், சைகா பாதிப்பு ஏற்படாமல் தடுப்பது குறித்து, சுகாதாரத்துறை அமைச்சர் பிரகாஷ் நட்டா, அதிகாரிகளுடன் ஆலோசனை நடத்தினார். அதன் பின், மத்திய அரசும், சைகா வைரஸ் குறித்த எச்சரிக்கை அறிவிப்பை வெளியிட்டுள்ளது. அதன்படி, வைரஸ் பாதிப்புள்ள, 24 நாடுகளின் பட்டியல் வெளியிடப் பட்டுள்ளது.
பயமுறுத்தும் பாதிப்பு:
'டெங்கு, சிக்குன் குனியா' போல, சைகா வைரஸ், கொசுக்கள் மூலம் பரவுகிறது.
இதுவரை மருந்து கண்டுபிடிக்கப்படவில்லை. இந்த வைரசால் அதிகம்
பாதிக்கப்படுவது கருவுற்ற பெண்களே. சைகா பாதிப்பால், சிறிய தலையுடனும்,
மூளை வளர்ச்சி இல்லாமலும் குழந்தைகள் பிறப்பதாக கூறப்படுகிறது. ஆனாலும்,
மருத்துவ ரீதியாக, இது, முழுமையாக உறுதிப்படுத்தப்படவில்லை. எனினும்,
இந்நோய் பாதிப்பு அதிகம் உள்ள அமெரிக்கா, பிரேசில் போன்ற நாடுகளில்,
கருவுற்ற பெண்கள் கவனத்துடன் இருக்கும்படி எச்சரிக்கை விடுக்கப்பட்டுள்ளது.
