மருத்துவ நுழைவு தேர்வு: சட்டஆலோசனை கேட்கிறார் ஜனாதிபதி:

மருத்துவ படிப்புகளுக்கு பொது நுழைவுத் தேர்வு மூலம் தேர்வு பெற்றவர்கள் மட்டுமே மருத்துவப் படிப்புகளில் சேர்க்கப்பட வேண்டும் என்றும் தனியார் மருத்துவக் கல்வி நிறுவனங்கள் தன்னிச்சையாக மருத்துவப் படிப்புகளுக்கு தேர்வு நடத்தக் கூடாது என்றும், பொது நுழைவுத் தேர்வில் தேர்ச்சி பெறும் மாணவர்களுக்கு மட்டுமே சேர்க்கை வழங்க வேண்டும் என்பதையும் சுப்ரீம் கோர்ட் கடந்த 5-ம் தேதி உத்தரவிட்டது. .

இந்த நிலையில், மருத்துவ பொது நுழைவைத் தேர்வை இந்த கல்வியாண்டில் நடத்தாமல் இருக்க அவசரச் சட்டத்தை மத்திய அரசு கொண்டு வந்தது. இதற்கான ஒப்புதலை பெற ஜனாதிபதிக்கு கடந்த 20-ம் தேதி அனுப்பியது.
இது தொடர்பாக ஜனாதிபதி பிரணாப் முகர்ஜி, சட்ட நிபுணர்களுக்கு அனுப்பி வைத்து அவர்களின் கருத்தை கேட்டுள்ளதாக ஜனாதிபதி மாளிகை வட்டாரங்கள் தெரிவிக்கின்றன. எனவே அவசர சட்டம் தொடர்பாக ஜனாதிபதி ஒப்புதல் கிடைத்ததும், மத்திய அரசு தனது அறிவிப்பை வெளியிடும் என தெரிகிறது.