மருத்துவ கல்லூரிகளுக்கு புதிதாக டீன்கள் நியமனம்:
தமிழக சுகாதார துறையில், இயக்குனர், மருத்துவ கல்லுாரி டீன் என, முக்கிய
பணியிடங்கள் அனைத்தும், ஓராண்டாக காலியாக உள்ளதால், செயல்பாடுகளில்
தள்ளாட்டம் ஏற்பட்டுள்ளது. இதுகுறித்து, சமீபத்தில், நமது நாளிதழில்,
செய்தி வெளியானது. இந்நிலையில், ஆறு மருத்துவ கல்லுாரிகளுக்கு, டீன்கள்
நியமிக்கப்பட்டுள்ளனர்.● கீழ்ப்பாக்கம்
மருத்துவக் கல்லுாரி, 'டீன்' நாராயணபாபு, சென்னை மருத்துவக் கல்லுாரிக்கு
மாற்றப்பட்டுள்ளார். இவர், மருத்துவக் கல்வி இயக்குனர் பொறுப்பையும்
கூடுதலாக கவனிப்பார்● அரசு ஸ்டான்லி மருத்துவக் கல்லுாரி பொறுப்பு டீனாக இருந்த, பேராசிரியர் பொன்னம்பல நமச்சிவாயம், நிரந்தர டீனாக நியமிக்கப்பட்டுள்ளார்● விழுப்புரம் டீன் வசந்தமணி, கீழ்ப்பாக்கத்திற்கும்; தஞ்சாவூர் டீன் வனிதாமணி, விழுப்புரத்திற்கும் மாற்றப்பட்டுள்ளனர்● சென்னை
மருத்துவக் கல்லுாரி நரம்பியல் துறை இயக்குனர் கோபிநாத், தஞ்சாவூர்
மருத்துவக் கல்லுாரிக்கும்; எழும்பூர் மருத்துவமனை பேராசிரியர்
சீனிவாசராஜா, புதுக்கோட்டை மருத்துவக் கல்லுாரிக்கும், டீனாக
நியமிக்கப்பட்டுள்ளனர்.
