சோப்பால் கைகழுவுங்க...! மாணவர்களுக்கு, 'அட்வைஸ்':

கொரோனா வைரஸ் பரவலை தடுக்க, சோப்பு போட்டு கை கழுவுவது குறித்து, மாணவர்களுக்கு அறிவுறுத்த வேண்டும்' என, பள்ளி கல்வி இயக்குனர் கண்ணப்பன் அறிவித்துள்ளார்.
இதுகுறித்து, முதன்மை கல்வி அதிகாரிகளுக்கு, அவர் அனுப்பியுள்ள சுற்றறிக்கை:கொரோனா வைரஸ், முன் எச்சரிக்கை மற்றும் தடுப்பு நடவடிக்கைகள் மேற்கொள்வது குறித்து, தலைமை ஆசிரியர்களுக்கு, முதன்மை கல்வி அதிகாரிகள் அறிவுறுத்த வேண்டும். சோப்பை பயன்படுத்தி, கை கழுவும் முறைகள் குறித்து, மாணவர்கள் உரிய முறையில் வழிகாட்ட வேண்டும்.
பள்ளி நேரத்தின் போது, தங்கள் கைகளை கழுவ வசதியாக, அவர்களுக்கு தேவையான சோப்புகளை, பள்ளியின் சிறப்பு நிதியில் இருந்தோ அல்லது பெற்றோர் ஆசிரியர் கழக நிதியில் இருந்தோ வாங்கிக் கொள்ளலாம். சோப்பால் கைகழுவும் போது, மாணவர்கள் உடல் நலத்துடன், ஆரோக்கியத்துடன் வாழலாம். இதை மாணவர்களுக்கும், பெற்றோருக்கும் புரிய வைக்க வேண்டும். இவ்வாறு, அதில் கூறப்பட்டுள்ளது.