8 மாவட்டங்களுக்கு கன மழை வாய்ப்பு:

சென்னை; 'தமிழகத்தில், எட்டு மாவட்டங்களில், சில இடங்களில், இன்று கனமழை பெய்யும்' என, சென்னை வானிலை ஆய்வு மையம் அறிவித்துள்ளது.

சென்னை வானிலை ஆய்வு மைய இயக்குனர், புவியரசன் வெளியிட்ட அறிவிப்பு:சென்னை, திருவள்ளூர், காஞ்சிபுரம், நாமக்கல், விழுப்புரம், நாகை, தஞ்சாவூர், திருவாரூர் ஆகிய எட்டு மாவட்டங்களிலும், புதுச்சேரியில் ஓரிரு இடங்களிலும், இன்று லேசானது முதல் மிதமான மழை பெய்யலாம்.சேலம், தர்மபுரி, கிருஷ்ணகிரி, வேலுார், நீலகிரி, கோவை, தேனி, திருவண்ணாமலை ஆகிய எட்டு மாவட்டங்களில், இன்று ஓரிரு இடங்களில், இடியுடன் கூடிய கனமழை பெய்யும்.

சென்னையை பொறுத்தவரை, வானம் மேக மூட்டத்துடன் காணப்படும். நகரின் சில பகுதிகளில், லேசான மழைக்கு வாய்ப்புள்ளது. அதிகபட்சமாக, 36 டிகிரி செல்ஷியஸ் வெயில் பதிவாகும். தென்மேற்கு மற்றும் மத்திய மேற்கு அரபிக்கடல் பகுதிகளில், சூறாவளி காற்று வீசும். வரும், 2ம் தேதி வரை, மீனவர்கள் அந்த பகுதிக்கு செல்ல வேண்டாம்.இவ்வாறு, அதில் கூறப்பட்டுள்ளது.